2790/2026-2027

Siaha the 23rd October 2026: Indian Medical Association (IMA) Mizoram buatsaihin vawiin khan Free Medical Camp , Siaha-ah buatsaih a ni.

District Hospital kawta Free Clinic Hawnna hun tawi ah hian, District Bawrhsap Pi Saizikpuii chuan a thlawna inentirna huaihawt a ni thei chu lawmawm hle a ti a, mipuiin an hman tangkai theih nan sawrkar pawhin mipui zinga thehdarh kawngah hma an lak nasat thu sawiin, Siaha District miputen an hriselna kawnga an tangkai pui ngei a beisei thu a sawi. IMA, Mizoram Vice President Dr Lalhmuchhuaka chuan Doctor te hmelhriattirna a nei bawk.

He Free Clinic hi Indian Medical Association (IMA), Mizoram Government Doctors Association (MGDA), Indian Dental Association (IDA), ZMC Faculty Doctors Association (ZFDA) leh Non-Government Association of Mizoram (NGAM) tanghoa buatsaih a ni a, Doctor 64 rual in damlo enin vawiina inentirte chu a thlawna damdawi pek nghal anni bawk. Heng Damdawi te hi 39-Saiha (ST) AC Bialtu MLA Dr K Beichhua in MLA Fund atanga a pek a ni.