Ni 5.5.2011 - ni 7.5.2011 chhunga neih tur Indo-Bangladesh Trade Fair 2011 leh North East Summit Dhaka-a hmang turin vawiin khan Industries Minister Pu S.Hiato chuan Aizawl a chhuahsan ang. He programme hi Indian Chamber of Commerce (ICC) leh Indian High Commission, Dhaka-in an buatsaih a ni.
He Trade Fair chhung hian Bamboo Development Agency, Govt. of Mizoram leh Bangladesh Chamber of Commerce-ten agreement an lo sign tawh chu Minister hian a bawhzui nghal dawn a. Trade Fair leh Summit-ah hian Pu S.Hiato hian thusawina hun a hmang ang a, Bangladesh High Commissioner-in Minister leh a tawiawmtute tan official dinner a buatsaihsak dawn bawk ani.
Minister hi Pu R.L.Rinawma, IRS, Commissioner, Industries Department, Pi R.Lalrodingi, Jt.Director, Industries Department leh Pu Lalthangliana Murray, State Mission Director, National Bamboo Mission Application leh Officer thenkhatin an tawiawm dawn a. May ni 8, 2011 hian Aizawl lo thleng leh tura beisei an ni.
