Industry Minister Pu S. Hiato chuan Mizoramah mau leh thing hmanga siam chhuah thilin hmun pawimawh tak a la chang chho zel dawn a ti.
Nimin khan Pu S. Hiato chuan Teeke Bamboo & Wood Product Private Limited Thingdawl ami chu a tlawh a. He hmun hi sumdawnna intawm niin Managing Director Pu Lalthangpuia, Mission Veng a ni. Pu S. Hiato chuan Industry dintute leh amah tawiawmtu sorkar hotute chu Bamboo & Wood Products chungchang sawipuiin Agro Based Industry hi thil hlawk tak a ni a ti a. Kan rama thing leh mau behchhana sumdawnna a nih avangin hmalam hun thui tak thlira hausakna min thlen thei tu a ni dawn a ni a ti a. Mizorama hetiang a lo awm chuan rampawna luangral tur tam tak kan hum thei ang a, kan thalai tam tak ten nitin eizawnna employment pawh an lo neih theih phah dawn a ni a ti. Mizoram ramah mau tam mahse kum thum hnuah mau te chu a awm leh mai dawn a, heng kan thing leh mau hmang tangkai a Teeke Bamboo & Wood Private Limited din a ni hi a neitute an fakawm hle a ni Pu S. Hiato chuan a ti.
Teeke Bamboo & Wood Products Ptv. Ltd. hian insakna a tana hman tur bang, ceiling, chhuat leh firniture hrang hrang atana hman chi mau leh thing zia mawi tak tak khawlpui tham tak bunin an siam chhuak tawh a. Kum 2007 khan Thingdawlah hian bul lo tan tawhin khawl chi hrang hrang hi in 6 ah bun a ni. Sum indaih lohna leh eng eng emaw avangin hna a tluang lo tih Pu Lalthangpuia, MD chuan a sawi a. Amaherawh chu tunah chuan tluang takin bungraw chi hrang hrang Matboard Slatteled, Thimber, Composite Board leh Particle Board te lian tham takin an siam chhuak thei ta a. India ram hmun dang Kochin atangin order thahnem tak an dawng tawh a. Mizoram chhungah pawh dawrtu an awm chho mek a ni.
Pu S. Hiato hi Pu R.L. Rinawma, IRS, Industry Secretary; Pu Shurbir Singh, Director, Industry leh sorkar hotu dangten an tawiawm a ni.
Teeke Bamboo & Wood Products Ptv. Ltd. hian insakna a tana hman tur bang, ceiling, chhuat leh firniture hrang hrang atana hman chi mau leh thing zia mawi tak tak khawlpui tham tak bunin an siam chhuak tawh a. Kum 2007 khan Thingdawlah hian bul lo tan tawhin khawl chi hrang hrang hi in 6 ah bun a ni. Sum indaih lohna leh eng eng emaw avangin hna a tluang lo tih Pu Lalthangpuia, MD chuan a sawi a. Amaherawh chu tunah chuan tluang takin bungraw chi hrang hrang Matboard Slatteled, Thimber, Composite Board leh Particle Board te lian tham takin an siam chhuak thei ta a. India ram hmun dang Kochin atangin order thahnem tak an dawng tawh a. Mizoram chhungah pawh dawrtu an awm chho mek a ni.
Pu S. Hiato hi Pu R.L. Rinawma, IRS, Industry Secretary; Pu Shurbir Singh, Director, Industry leh sorkar hotu dangten an tawiawm a ni.
