1538/2025-2026

Siaha the 23rd September 2025: I&PR Director Pu C Lalnunkima chuan Information & Public Relations Department hnuaia District hrang hrang pisa tlawh turin Nimin khan Aizawl a chhuahsan a, thawktute leh Mizoram Journalist Association (MJA) member ten lo dawngsawngin inkawmhona hun a hmanpui hlawm a ni.

Pu C Lalnunkima hi tun thla September Ni 30, 2025 ah superannuation pension a chhuak tawh tur a ni a, District hrang hranga pisa leh a thawktute dinhmun enchiangin a tlawh kual a ni.

Nimin khan Serchhip DIPRO, Pi Lalnunmawii , Deputy Director, I& PR chuan a thawhpuite nen Director hi lo dawngsawngin inkawmhona hun an nei a, Hnahthial DIPRO Pu F. Lalrinfela hovin Hnahthial MJA te nen inkawmhona an neih leh hnuah nizan vek khan Siaha panin a chhuak leh nghal a ni.

Siaha-ah hian DIPRO Pi K Ngosai hovin I&PR staff ten Tourist Lodge ah an lo dawngsawng a, Siaha MJA te nen inkawmhona hun an neih bakah zanriah an kil ho nghal bawk a ni. Tukin khan Siaha pisa leh quarter te a enkual a, office mamawh hrang hrangte enpuia a tlawh chhuah hnuah Aizawl panin a chhuak a, kawng lakah Lawngtlai leh Lunglei pisa a tlawh kual leh bawk dawn a ni.