Vawiin chawhma khan Pu David L Thangliana, Director, Information & Public Relations Department pisaah Indian Institute of Mass Communication (IIMC), New Delhi a Information & Public Relations Department Officer Compulsory in-service training neiturte thlahna hun neih a ni a, Pi Lallianpuii, Joint Director, Pu Lalnunkima, Joint Director leh I&PR department officer dangten he hun hi an hmanpui.

Pu David L Thangliana chuan, hmasawn duhna leh tih tak zetna thinlung nen he training hi tangkai taka hmang turin duhsakna a hlan a, hlawhtling tak leh ram tana hlawkna rawn hawn ngei turin Officer training a kal turte a chah bawk.

Information & Public Relations Department hnuaia Officer training hi team hnih a then niin team kal hmasa turte hi Ni 27, April 2019 ah an chhuak anga, team kal hnuhnung zawk turte hi Ni 4, April 2019 ah an chhuak ve thung ang. He Compulsory In-service training ah hian District tin a District Information and Public Relations Officer te bakah Directorate a Officer te an tel dawn a ni.