Deputy Commissioner Office, Kolasib a thawkte chuan vawiin khan DC Conference Hall-ah infuihtharna hun District Bawrhsap Pu H.Lalengmawia kaihhruaiin an hmang.
He hunah hian Pu H.Lalengmawia chuan DC office a thawk zawng zawng officer leh staff te mahni hna theuh hi rawngbawlna a ni tih hria a taima tak a thawk tur leh kum liamta aia hna tha zawk leh rah tha zawk chhuah tura inpekna thar nena thawk turin a fuih a. Mihring damchhung hi hun reilote a ni tih hria a, hlim tak leh lungawi tak hna thawk turin a chah a ni. Bawrhsap chuan he hunah hian mipui te'n sub-division, block leh village council level a sawrkar hmalakna leh a hnathawkte an tawiawm thin chu thil lawmawm tak a nih thu sawiin, thawhhona tha tak siam zel turin hnathawkte a chah nghal a ni.
Pu R.Lalremsanga, Addl.Dc pawn he hunah hian infuihna thu a sawi a. Hmasawnna atana thil pawimawh te sawihona hun neih a ni a. Kumthar thingpui inhona an nei nghal a ni.
