No.1938/2021-2022
Aizawl the 20th August, 2021 : COVID-19 darh zel tur ven nan leh hemi atana Sawrkar hmalaknate khaihlak lova tluang taka a kal zel theih nan State Executive Committee, Mizoram State Disaster Management Authority chuan inkhuahkhirhna tlema tidanglamin engemaw chen la kalpui chhunzawm tha a ti a. AMC AREA leh MIZORAM CHHUNG HMUNDANG atân inkaihhruaina Order vawiin khan hetiang hian tihchhuah a ni.
A. AMC AREA CHHUNGA INKAIHHRUAINA
1. AMC area huam chhûngah ni 22.08.2021 aṭanga ni 04.09.2021 zanlai dar 12:00 thleng Partial Lockdown puan a ni. Hemi hun chhúng hian loh theih loh thilah lo chuan pawn chhuah leh inlenpawh khap tlat a ni. Building khata in hrang hrang luahte pawh intlawhpawh khap a ni.
2. Partial Lockdown puan chhunzawm chhunga inkaihhruaina chu a hnuaia tarlan ang hian kalpui tur a ni.
Sl. No. | Activities | Kalpui dan tur |
1 | Zirna In | Hawn phal loh |
2 | Board Exam, recruitment exam, adt. | Sawrkar phalna nei tan chauh phal a ni. |
3 | Sakhaw Biak In leh Inkhawm | Kohhran Inkhawm pangngai neih phal a ni lova, zing leh tlai ţawngţai inkhawm erawh chu phal a ni. Kohhran Rorel Inkhawmpui (Bial inkhawmpui) chhun lamah neih phal a ni. Inkhawmpui neihna hmun Biak In-a leng zat chanve (50% seating capacity) emaw mi 200 aia tam lo tel phal a ni. COVID-19 symptoms neite chu Inkhawmpui-ah hian tel loh tur a ni. CAB khauh taka kenkawh leh zawm tur a ni. A thlengtu kohhran-in LLTF/ VLTF te phungbawma sawmin CAB/ SOP Implementation Committee an din ang. Inkhawmpui-ah hian natna benvawn nei leh kum upa hriselna chak tawh lote a theih chin chinah awl ni se. Tlai lam ruai buatsaih loh tur a ni. Inkhawmpui-ah hian zai phal a ni lo. |
4 | Inneih inkhawm leh Mitthi Vuina | Mi 30 aia tam lo. |
5 | Picnic spot | Hawn phal loh |
6 | Public park | Hawn phal loh |
7 | Sports practice (indoor & outdoor) | Phal a ni. Indoor-ah mi 10 aia tam lo leh Outdoor-ah mi 25 aia tam lo. Sports practice-ah COVID-19 symptom neite an tel tur a ni lo. |
8 | Zing/Tlai walking leh cycling exercise | Zing dar 4:00 - 7:00 leh tlai dar 5:00 - 6:30 chhûngin phal a ni |
9 | Sports inelna, tournament, adt. (indoor & outdoor) | Phal loh |
10 | Gym | Phal a ni. A hnuaia kaihhruaina hi khauh takin an zawm tur a ni. Gym equipment te hi midangin an hman dawn apiangin an sanitize zel tur a ni. Gym capacity 33% aia tam tum khata workout loh tur a ni. Mahni towel, bottle, shaker leh mamawh thil dangte mahni-a inken tur a ni. Social distancing maintain tur a ni. Gym kal turte chu COVID-19 vaccine dose khat tal la tawh an ni tur a ni a, COVID-19 symptom neite an tel tur a ni lo. |
11 | Mipui punkhawm-anniversary, birthday, adt. | Phal loh |
12 | A huhova pawn chhuah (Lui kal, trekking, hiking, adventure sports, adt.) | Phal loh |
13 | Construction works (mimal, leh sawrkar hnathawh) | Phal a ni. |
14 | MGNREGA, MPLAD, MLALAD, SIPMIU, Smart City. | Phal a ni. |
15 | Quarry, kawng laih, lei dawh, adt. | Phal a ni. |
16 |
Huan, lo, sangha dil, ran vulh, adt. | Phal a ni. 9:30 AM - 5 PM inkarah khawpui chhungah veivah phal a ni lo. |
17 | Hospital, nursing home, clinic, laboratory, Blood donation leh blood bank | Phal a ni |
18 | Child and women helpline service, OST center, OSC, ART centre | Phal a ni |
19 | Nau pai, nausen pawmlai leh naupang te hnena nutrition (chaw ṭha) sem bakah nutrition sem tur godown aṭanga phurh chhuah leh sem darh | Phal a ni |
20 | COVID-19 vaccination leh immunization programme dangte, ambulance service | Phal a ni |
21 | Animal disease control programme, Veterinary hospital, dispensary, clinic, AI, Zoo, hatchery, Feed mill/Ran chaw leh Slaughter House | Phal a ni |
22 | Bank, Non-banking financial institutions, insurance, ATM, post office leh postal services | Phal a ni. |
23 | Petrol/Diesel filling station leh LPG distribution/ godown | Phal a ni |
24 | Dawr bungrua leh zawrh thil dahkhawmna/godown | Phal a ni. |
25 | Fair Price Shop (ration dawr) te leh FCS&CA Department/FCI hnuaia godown | Phal a ni. Fair Price Shop (ration dawr) te chu LLTF ten ruahmanna an siam angin hawn a ni ang. |
26 | Bawnghnute sem leh lakkhawm, chanchinbu sem, | Phal a ni |
27 | Private security service. | Phal a ni |
28 | Print & electronic media, telecommunication, internet service, broadcasting leh cable service | Phal a ni |
29 | Sanitation & solid waste management (hmunphiat leh bawlhhlawh paih te huamin), septic tank service (ek paih) | Phal a ni. |
29 | Sanitation & solid waste management (hmunphiat leh bawlhhlawh paih te huamin), septic tank service (ek paih) | Phal a ni. |
30 | PWD, P&E leh PHE hnuaia operation & maintenance hna leh mimal tui chawite | Phal a ni. |
31 | Bungraw load leh unload hna | DC-in ruahmanna a siam ang. |
32 | Kawng laka lirthei chhia siamtute. Hei hian automobile dealer leh workshop hnathawkte a huam ang | Phal a ni. |
33 | Courier service, e-commerce leh home delivery. State pawn | Phal a ni. |
34 | Ina thil siam (home based industry) -carpentry, steel fabrication, bakery, puan thui, puan tahna, adt. | Phal a ni. |
35 | Damdawi Dawr | Nitin. |
36 | Hawkers stall | Thawhṭanni, Nilaini leh Inrinni. |
37 |
Thlai chi/ thlai ṭiak leh Agriculture/ Horticulture kaihhnawih bungraw zawrhna | Nitin. |
38 | Tourist Lodge, Hotel, Homestay leh khualbuk dangte | Mikhual thlen phal a ni a, restaurant erawh chu pawn lam mi tan dawr phal a ni lo. |
39 | Restaurants | Home delivery phal (nitin). |
39 | Restaurants | Home delivery phal (nitin). |
40 | Eichawp dawr | Nitin. Zing dar 5:00 - 9:00 thleng. |
41 | Bazar leh Dawr hawn dan | Dawrte hi Annexure-III a tarlan angin Group A, B leh C-ah then a ni a. Zing dar 5:00 leh tlai dar 5:30 inkarah hawn theih a ni ang. Group-A: Thawhṭanni, Nilaini leh Zirtawpni. Group-B: Thawhlehni, Ningani leh Inrinni. Group-C: Thawhlehni leh Zirtawpni (Heng ni-a thlai, thei leh sa/sangha hralh zawh hman loh te chu a tuk zingah dar 9:00 thleng LLTF te ruahmanna-in an zuar zui thei ang). |
42 | Mizoram Sawrkar Office-te | Group A leh B te chu an vaiin an kal ang. Group C leh D te office kal dan tur chu HoD/HoO-ten ruahmanna an siam ang. Office hun chhunga office hna ṭul pawimawha lirthei nena office chhuahsan ngai te tan an HoD/HoO te’n detailment order an siamsak chu movement permit atan pawm a ni ang. |
43 | Office dangte | Mizoram Legislative Assembly Secretariat chuan an kal dan tur an ruahman ang. Central Sawrkar office te chu CAB uluk taka zawm chungin an kal ang. |
44 | Court leh Judiciary | Gauhati High Court (Aizawl Bench) leh a hnuaia Court te chu High Court-in ruahmanna a siam angin an kal ang. |
45 | Kohhran/sakhaw hrang hrang office | CAB uluk taka zawm chungin a tlem thei ang ber an kal thei ang |
46 | Private company/ office - consultancy services, adt. | CAB uluk taka zawm chungin a tlem thei ang ber an kal thei ang |
47 | Lirthei tlân dan | Sawrkar leh Mimal Lirthei (two wheeler telin) in tlân chhâwk dan tur SP (Traffic)-in a ruahman ang. Public Transport Vehicle (City Bus, Taxi, 2-wheeler taxi leh adt) te tlan dan tur pawh SP (Traffic) in a ruahman ang. Bungraw phur motor te tlan dan tur pawh SP (Traffic) in a ruahman ang. |
A chunga activity tarlan-ah te khian Covid Appropriate Behaviour (CAB) uluk taka zawm tur a ni a, dawr/sumdawnna hmun/commercial vehicle, adt-a thawk te hi a theih chin chinah Covid vaccine dose khat tal la tawh an ni tur a ni.
3. Lirthei veivah chungchang
Superintendent of Police (Traffic)-in ruahmanna a siam zawm tur a ni.
4. Minister – te dawr chungchang
Minister te Office leh an chenna inah public interview khar a ni.
B. AMC AREA PAWN INKAIHHRUAINA
1. Mizoram hmun dangah chuan Deputy Commissioner (DC) ten an District chhunga COVID-19 hri len dan dinhmun azirin inkaihhruaina an siam ang.
2. COVID-19 active case awm lohna khua-ah te chuan Deputy Commissioner (DC) leh VLTF te ruahmanna-in School leh Anganwadi an kal thei ang a, a concerned Department ten inkaihhruaina (SOP) an siam angin an kal ang.
3. Sakhaw Biak In-a inkhawm leh Inkhawmpui chungchang
1) COVID-19 active case awm lohna khua-ah te chuan Deputy Commissioner (DC) leh VLTF te ruahmanna-in inkhawm theih a ni ang.
2) Kohhran Rorel Inkhawmpui (Bial inkhawmpui) chhun lamah a hnuaia inkaihhruaina zawm chungin neih phal a ni.
a) Inkhawmpui neihna hmun Biak In-a leng zat chanve (50% seating capacity) emaw mi 200 aia tam lo tel phal a ni.
b) COVID-19 symptoms neite chu Inkhawmpui-ah hian tel loh tur a ni.
c) CAB khauh taka kenkawh leh zawm tur a ni. A thlengtu kohhran-in LLTF/ VLTF te phungbawma sawmin CAB/ SOP Implementation Committee an din ang.
d) Inkhawmpui-ah hian natna benvawn nei leh kum upa hriselna chak tawh lote a theih chin chinah awl ni se.
e) Tlai lam ruai buatsaih loh tur a ni.
f) Inkhawmpui-ah hian zai phal a ni lo.M
C.MIZORAM PUMA HMAN TUR INKHUAHKHIRHNA DANGTE
1. Vaccination
Mipui vantlang kan lo him zawk nan COVID-19 vaccine la la lo zawng zawngte chu Sawrkar-in a thlawna vaccine lakna a ruatah te a hma thei ang bera vaccine la tura ngen leh beisei an ni.
2. Zin veivah chungchang
a) Ṭul bikah chuan zin veivah phal a ni. Zin veivah nan hian mimal lirthei leh passenger phur lirthei (commercial passenger vehicle) te hman phal a ni.
b) Lirtheiah te hian registration-a seating capacity tarlan bak chuan phal a ni lo. Lirthei khalhtute leh an phurh ten mask/ hmai tuamna an vuah vek tur a ni. Passenger-te hman tur hand sanitizer an pai reng tur a ni.
3. Veng/Khaw Bil Inkhuahkhirhna
a) He order/inkaihhruaina-in a huam baka veng/khaw bil bik tana inkhuahkhirhna khauh zawk neih tul tihna a awm chuan, a chhan leh vang chiang taka ziakin LLTF/VLTF ten an awmna District Deputy Commissioner hnenah rawtna an siam thei ang.
b) LLTF/VLTF ten he Order-ina inkhuahkhirhna a siam bak pelin anmahni thuin veng/ khaw bil inkhuahkhirhna hranpa curfew/ lockdown/ Containment Area/ Restricted Area an puang tur a ni lo.
c) Kawngpuiin a paltlang khua ten an khaw kaltlanga khaw danga kal tur zin veivak te leh an lirthei an dang tur a ni lo.
4. Bungraw Chawkluh Leh State chhunga Thiar Chungchang
a) State pawn aṭanga bungraw lakluh nan phalna hranpa lak ngai lovin lakluh theih a ni ang. Amaherawhchu, mCOVID-19-ah an in-register vek tur a ni.
b) Bungraw lak luh phurtute (driver leh handyman) hi entry point-ah uluk takin screening kalpui chhunzawm a ni ang. Bungraw phur motor-ah reng reng hian midang (passenger) an chuang tur a ni lo.
c) State pawn aṭanga bungraw lak luh phurtu (driver leh handyman) te chu an kalphung pangngai angin khaw dâiah anmahniin eirawng an inbawl ang a, khaw chhungah midang nen inchiahpiah lovin an bungrua an unload zawh veleh an let leh nghal ang. An bungrua unload chhung hian midang te aṭanga feet ruk (6) tala hla-ah an awm tur a ni.
d) State pawn aṭanga bungraw lak luh phurtu (driver leh handyman) te chu backload lak tur zawngin Mizoram hmun dangah an kal kual tur a ni lo.
e) AMC Area pawnah chuan Mizoram-a bungraw awmsa emaw siam chhuah/tharte thiar chungchangah inkhuahkhirhna a awm lovang.
f) Public Distribution System (PDS) hnuaia ration dawr/retailer-a pek chhuah tur buhfai, chini leh khawnvartui phur motor te chu FCS&CA Department in Delivery Order/Despatch Challan a pek chhuah, la nung mek an ken chuan phalna hranpa ngai lovin Mizoram chhungah bungrua an thiar thei ang.
g) A chunga tarlan driver leh handyman-te hian kawng laka harsatna an tawh thulhah State Control Room (Toll free 1070, landline 0389-2342520, mobile 7628072785 leh whatsapp 9366331931) leh COVID-19 (Medical) helpline number (Toll free 102, landline 0389-2323336, 0389- 2322336 leh 0389-2318336)-ah telephone-in an harsatnate an thlen thei ang.
5. Covid-19 hri laka kan himna tur atan mitin hian tih tur pawimawh tak kan nei ṭheuh va. Chung tih tur leh zawm tur COVID Appropriate Behaviour (CAB) te chu Annexure-I ah tarlan a ni a, mitinin zawm ṭheuh tur a ni.
6. District Magistrate ten zan curfew (7:00 PM to 4:00 AM) an puang ang a, CrPC Section 144 hmangin Order an chhuah ang.
7. Mizorama lo luh, quarantine, adt. chungchanga inkaihhruaina chu Annexure-II ah tarlan a ni.
A ṭul ang zelin Deputy Commissioner ten an District chhungah Containment Zone emaw inkhuahkhirhna dang an puang thei ang a, Containment Zone emaw inkhuahkhirhna dang puanah te chuan Deputy Commissioner-in thupek a siamte khauh taka zawm tur a ni. A ṭul dan azirin colony/ building/ apartment chauh huam te pawhin Micro Containment Zone puan theih a ni.
8. He thupek zawm lote chu Disaster Management Act, 2005, Section 51 aṭanga 60 leh the Mizoram (Containment & Prevention of the spread of COVID-19) Act, 2020 leh IPC Section 188 hmangin hrem theih an ni.
ANNEXURE-II
MIZORAM PUMA HMAN TUR INKHUAHKHIRHNA DANGTE
1. Mizorama lo lut te chungchang
1) India ram pawn leh India ram hmun dang aṭanga Mizoram-a lo lut reng reng chu Mizoram an lo luhna (Point of entry)-ah uluk taka screening tih tur a ni a, a tul dan azirin Rapid Antigen Test (RAgT) hmanga endik an ni ang. Entry point-a screening, testing leh quarantine fel taka ruahman a nih theih nan mCOVID-19 mobile application mPASS-flight emaw mPASS-road hmangin an in-register lawk tur a ni. RAgT positive te chu enkawl dan tur dinglai (Protocol) angin enkawl zui tur an ni. Hetiang hian Mizoram aṭanga zin chhuak, lo haw leh te pawh endik vek tur an ni ang. Home quarantine leh Hotel quarantine dil duh tan online-in https://mcovid19.mizoram.gov.in-ah a dil theih tawh bawk.
2) State pawn aṭanga thlawhna emaw lirthei emawa lo lutte hian VLTF/LLTF te hriatpuina lehkha lak ve kher a ngai lo vang. Mizoram an luhna atana mPass-a an in register-na chu an thlenna tur (destination) thlen nan pass angin an hmang thei ang a, hmun dang kalkual/tlawhkual nan mPass chu hman phal a ni lo. Amaherawhchu, an thlen hma-in an veng/khua LLTF/VLTF te an hriattir lawk ang.
1.1 Quarantine & isolation
Quarantine leh isolation chungchang chu H&FW Department-in inkaihhruaina an siam anga kalpui tur a ni.
1.2 Lirthei hman dan tur
Lengpui Airport atanga zinchhuak leh lo lutte chuan mimal lirthei bakah commercial passenger vehicle dangte an hmang thei ang. Motor uluk taka tihthianghlim (sanitize) thin tur a ni a, driver leh passenger ten uluk takin lirthei chhungah face mask an vuah reng tur a ni. Kalkawngah midang nena in-contact tura din khawmuan loh tur a ni. Tin, motor hmanga Mizoram lo lut te leh Aizawl pela district danga kal turte chu an motor hmanlai hmangin an kalna tur hmun an pan nghal tur a ni.
Annexure-III
AMC AREA HUAMCHHUNGA BAZAR LEH DAWR HAWN DAN TUR
Group A:
1. Hardware/Insakna bungraw chi hrang hrang zawrhna dawr adt.
2. Auto works/Spare parts dawr.
3. Computer, Mobile Phone, Electronic appliances dawr leh hetiang chhe siamna.
4. Khawl/machinery dawrte leh hetiang chhe siamna.
5. Stationery leh lehkhabu dawr.
6. Printing, Photocopy shops adt.
7. Furniture dawr.
8. Sports bungraw zawrhna dawr.
9. Sana zawrhna leh siamna dawr.
10. Arms & Ammunitions dawr.
Group B:
1. Thawmhnaw, pheikhawk dawr.
2. Toys/ cycle dawr.
3. Naute mamawh zawrhna dawr.
4. Second hand dawr.
5. Puan, Puanthan leh la zawrhna.
6. Puanthuina leh a kaihhnawih dawrte.
7. Bungbel leh eirawngbawlna hmanrua zawrhna.
8. Cosmetics/makeup dawr.
9. Disposable materials dawr (dispo cup/plates adt).
10. Tarmit dawr.
11. Goldsmith/jewelery dawr.
12. Beauty Parlour/ Spa/ Lu mehna.
13. Miniso/Vishal/Mart adt. ang chi dawr.
14. Pangpar zawrhna.
15. Nihliap/pheikhawk/bag repair/chhe siamna dawr.
16. Network marketing shops (Vestige, Oriflame, adt).
Group C:
Sa, thlai, thei leh pangpar (fresh flower bazar-a zawrh chi). Heng ni-a thlai, thei leh sa/sangha hralh zawh hman loh te chu a tuk zingah dar 9:00 thleng LLTF te ruahmanna-in an zuar zui thei ang.
Hetiang hian DC, Aizawl-in ruahmanna a siam anga, a chunga tarlan bak dawrte chu LLTF ten anmahni vengchhung tan a remchan dan angin Group A leh Group B ah emaw an lo telh ang.
