No.906/2020-202

Disaster Management & Rehabilitation Department in Order No B.13021/101/2020-DMR/Pt.III dt. 02.05.2030 a tihchhuah chu a hnuai a mi ang hian tihdanglam a ni.

1. Clause F hnuaia sub-clause (5), sub-clause (6) leh sub-clause (8) te hetiang hian thlak a ni:

5. Mizoram chhung khaw kar kawnga passenger phur lirthei (commercial passenger vehicle) te tlan phalsak an ni ang. Heng lirtheite hi registration number ‘odd-even’ angin an intlanchhawk ang. Odd number lirtheite chu Thawhtanni, Nilaini leh Zirtawpni ah an tlan anga. Even number lirtheite chu Thawhlehni, Ningani leh Inrinni ah an tlan thung ang. Sunday ah chuan tlan phal a ni lovang. Passenger thut theih zat (seating capacity) atanga 50% chauh an phur thei ang.

6. Khawchhunga service bus, taxi, auto rickshaw leh two wheeler taxi te chu a chunga tarlan ang khian ‘odd-even’ angin nitin an intlanchhawk ang. Passenger thut theih zat atanga 50% chauh an phur thei ang, two wheeler taxi tiam lovin. Tin, heng lirther (commercial passenger vehicle) a chuang te hian mask/hmai tuamna an vuah vek tur ani. Passenger te hman tur hand sanitizer an pai reng tur a ni.

8. Intlanchhawk hian duty nana hman sawrkar hnathawkte motor, LLTF/VLTF duty-te lirthei, ambulance leh medical emergency a hman motor te, print & electronic media mi te motor, bawlhlawh paih motor, bawnghnute phurh/sem na motor-te a huam lovang.

2. Clause G hnuaia sub-clause (7) chu hetiang hian thlak a ni:

7. Ram pawn atanga lo lut mikhualte tumahin thlen (mikhual) phal a ni lo. Hei hian Home Department emaw Deputy Commissioner te phalna neite a huam lovang.