Mizoram Police chuan Dt 30.12.2018 a thilthleng, Inrukbona chungchanga Police a report diklo thehluh chungchangah a hnuaia mi ang hian  thuchhuah a siam.

Ni 30.12.2018 (Pathianni) tlai lam Dar 6:00 p.m vel khan Rita Zochhuanawmi (22) D/o Lallungkhama, Sakawrdai, Aizawl District chuan Aizawl Police Station- ah Mihring inrukbona (kindnapping) a awm thu a thlen a. Rita Zochhuanawmi sawi danin hemi ni vek tlailam Dar 4:30 p.m vel khan a thianpa, Andrew Lalmuanawma Singson nen Chaltlang atanga Chanmari lama ke a an kal thlak laiin an bulah Bolero pakhat Chaltlang lam atanga rawn tlan thla chu a rawn ding a, a chhung atang chuan hmaituam pathum an lo chhuak a, a thianpa chu rawn pawt lutnghalin an tlanbopui ta mai niin a sawi a ni. He thu hriat anih veleh Aizawl Police Station chuan rang taka hma la in thil awmdan an chhui chiahg nghal a. Finfiahna awm thei chi hrang hrang la khawmin Adrew Lalmuanawma Singson rubo tute pawh zawn nghal an ni. Amaherawh chu finfiahna hrang hrang lakkhawm te leh Rita Zochhuanawmi thu sawi te khaikhin anih hnu ah he thil thleng hi phuahchawp mai mai anih rinhlelh ani ta a. Tichuan, chhuichianna kalpui zel anih hnu ah Rita Zochhuanawmi hian he thilthleng hi amah ngeiin a lo phuahchawp mai mai a ni tih chhuichhuah a ni a, Andrew Lalmuanawma Singson pawh hi a taka mihring awmlo ani tih finfiah ani ta a ni. Hemi chungchangah hian Rita Zochhuanawmi manin a lakah hian Police te hnena thu diklo a report avangin Aizawl PS Case No. 279/2018, Dt. 31.12.2018, u/s 182 IPC r/w. 66C/66D IT Act, 2000 ziah luh niin chhui zui zel a ni.