Lunglei District SP, Pu Stephen Lalrinawma chuan 10/11/2020 khan a hnuaia thuchhuah hi a siam a ni:
Tunhnai-a Lunglei Traffice Police ten lirthei document endikna an neih atangin; Lunglei a lirthei neitu thenkhat ten insurance lem ni a rinhlelh an hmang thin tih hriat chhuah a ni a. Insurance lem ni a rinhlelh hmuhchhuah chungchang ah insurance company lam a thuneitute zawhfiah nghal an ni a. Insurance hotuten a lem a ni ngei tih fin fiah in, hemi bawhzui bian Branch Manager, The New India Insurance Company Ltd, Aizawl Branch chuan Lunglei Police Station-ah FIR submit-in, an company hminga insurance lem lo pe chhuak thin chu zawng chhuak tur leh an chung a legal action la turin a ngen a. Lunglei Police Station-ah case register nghal niin uluk taka chhui mek a ni a, insurance lem engemawzah hmuhchhuah tawh a ni.
Hemi chungchang ah hian Lunglei District chhung a The New India Insurance Company Ltd hnuaia insurance nei zawng zawng te, Officer-in-charge, Lunglei Police Station hnen ah in report tur leh Insurance Certificate leh lehkha pawimawh dangte enfiah atan keng tur a tih kan ni.
Insurance lem siam chhuah leh hman hi danin a khap tlat a, mipui vantlang himna thil pawi thlen thei a nih bakah sorkar phalloh thil ani a. Hemi avang hian mipuite fimkhur tur leh insurance lem leh diklo laka fihlim turin Lunglei mipuite kan in ngen a ni.
