Tunkar kalta Inrinni khan INTACH Mizoram Chapter leh Anthropological Survey of India (AnSI) te chu Intach Convener Pu P. Rohmingthanga in ah an inkawm. INTACH Pawl atangin Pute P. Rohmingthanga, C. Chawngkunga, C. Laitanga leh Pi Laldingliani te an tel a, AnSI atangin Shillong-a an Regional office hotu Pi (Dr) R.R Gowloog , Dr G.K Bera, Asst Anthropologist leh Ms Elizabeth Lalawmkimi, Statistician te an tel.

Mizorama kan puk hrang hranga ruhro awmte zirchiang tur hian INTACH pawl chuan thiamna nei AnSI te hi an lo sawm tawh thin a. Tunah hian a bul tannan Mizorama ruhro puka awmte chanchin hre hmasa turin an lokal ta ani. INTACH pawl hotute chuan puk hrang hrangah heng ruhro te hi hmuh an ni a, mahse ramhnuaia awm an nih avangin venhim theih tak tak anni lova, a tam ber te chu an bo tawh avangin a awmchhunte pawh an bo leh chhiat hma a zirchian a tul thu an lo hrilh a. Mizoten an mithitte an sawngbawl dante an lo hrilh bawk a.  AnSI hotute chuan Kolkata pan nghalin an head office-a an hotute nen an sawiho hnuah an scientist ten pukte chu tlawh a ‘sample’ te chu laboratory a zirchian tur in  an la rawn ang an ti.

Heng ruhrote zirchianna hian Mizo history zir leh hriat chianna kawngah sul a sut rin a ni.