No.3014/2021-2022
Aizawl, the 17th November, 2021: Kumin kum tir lama INTACH Headquarters, New Delhi buatsaih zirlai naupangte project insiam siak ram pum huapa inelnaa lawmman dawngtu Vanrammawii, Class IX (tunah class X), St. Joseph Higher Secondary School, Ramhlun North chu Regional Winner niin nimin ni 16/11/2021 khan INTACH Mizoram Chapter Convener Pu P.Rohmingthanga, IAS (Retd)-in an School ah Trophy leh Certificate a hlan. He ram pum huap intihsiakna ah hian mi 5000 chuang an tel a, Mizoram School Education Department kaltlangin Mizoram School hrang hrangte an tel ve a ni. Project thupui chu ‘Nature in Danger : Care and Conserve’ tih a ni.

Lawmman hlanna hun tawite ah hian Convener chuan kan ram rohlu, thing leh mau te leh nungcha te kan hlut thiama kan humhalh a pawimawh zia uar takin a sawi a, zirlaite chu theihtawp chhuah zel turin a chah bawk a ni.