183/2022-2023
Aizawl, the 18th April 2022 : UNESCO in 1983 atang tawha a hman thin World Heritage Day chu INTACH (Mizoram Chapter) member te pawhin vawiin khan Aijal Club ah an hmang. Kumin thupui ‘Heritage and Climate’ chungchang sawiin State Convener Pu P Rohmingthanga chuan pipu sulhnu leh kan ram rohlu leh hnam ro kam chawi san zela kan humhalh tlat a pawimawh thu a sawi. He ni denchhena lemziak intihsiakna result chu April 22, Earth Day ah sem tura tih a ni. Khawvel thang chho zelah sik leh sa a danglam chak lutuk tawh a hemi kawnga mipuite nasa leh zual hrilhhriatna (awareness) neih tam a pawimawh tih member te chuan uar takin an sawi. Hnam ro - tawng chi hrang leh lam leh zaite pawh kan chhawm nun zel a pawimawh thu an sawi bawk.