Vawiin chawhnu khan Inter Departmental Sports vawi 23-na neih tan tur chu Chanmari YMA Hall-ah Sports Minister Pu Zodintluanga chuan Khuallian niin a hawng.
Pu Zodintluanga chuan Inter Departmental Sports chu Sawrkar hnathawkte tan intihlimna leh intuaihriamna hun remchang a nih mai bakah Department hrang hrang inkarah thawh hona boruak tha tak a thlen a besei thu a sawi. Tun hmalama Department hrang hrang ten infiamna ngai pawimawha hma an lak avangten infiammi tha tak tak te an chherchhuak a ni tiin, Minister chuan Department hotute chu infiamna lama tan la thar leh turin a chah a ni.
Sports Minister chuan tunhnai a sports tih hmasawn nan leh tihchangtlun nana Sawrkar-in hma a lakna hrang hrangte a tarlang a. Chung hmalakna te chu - Zobawk a State Sports Academy dinna tura Sawrkar Laipui in cheng vaibelchhe 17 vel a ruahman te, Sports Authority of India (SAI) in Aizawl leh Lunglei a, Extension Centre a hawn tur te, Kolasib a Football Academy tih phuisui nana NEC in cheng nuai 495 a ruahman te, Basketball leh Volleyball khelhna Pitarte Tlang a Indoor Stadium mi 600 vel lenna sak tur te a ni. Pu Zodintluanga chuan Lammual ah 'Artificial Grass' phah tur chu Independence Day zawhah hna tan a ni tur thu a sawi. Social Infrastructure hnuaia Serchhip a Stadium sak tur chu tender koh anih tawh thu Minister chuan a sawi bawk.
He hawnna programme ah hian Inter Deparmental Sports lo tuipui thintute - Pu C. Thanchhuma Aizawl DC, Pu Saingura Sailo Additional District Sessions Judge leh Pu Zoliana Royte, Director Sports & Youth Services te hnenah 'Ngaihhruina', Minister chuan a hlan a ni. Oath Taking leh Technical Briefing te neih zui nghal a ni bawk a ni.
Inter Departmental Sports hi Mizoram Civil Services Sports & Cultural Association te bultuma neih a ni.
Sports Minister chuan tunhnai a sports tih hmasawn nan leh tihchangtlun nana Sawrkar-in hma a lakna hrang hrangte a tarlang a. Chung hmalakna te chu - Zobawk a State Sports Academy dinna tura Sawrkar Laipui in cheng vaibelchhe 17 vel a ruahman te, Sports Authority of India (SAI) in Aizawl leh Lunglei a, Extension Centre a hawn tur te, Kolasib a Football Academy tih phuisui nana NEC in cheng nuai 495 a ruahman te, Basketball leh Volleyball khelhna Pitarte Tlang a Indoor Stadium mi 600 vel lenna sak tur te a ni. Pu Zodintluanga chuan Lammual ah 'Artificial Grass' phah tur chu Independence Day zawhah hna tan a ni tur thu a sawi. Social Infrastructure hnuaia Serchhip a Stadium sak tur chu tender koh anih tawh thu Minister chuan a sawi bawk.
He hawnna programme ah hian Inter Deparmental Sports lo tuipui thintute - Pu C. Thanchhuma Aizawl DC, Pu Saingura Sailo Additional District Sessions Judge leh Pu Zoliana Royte, Director Sports & Youth Services te hnenah 'Ngaihhruina', Minister chuan a hlan a ni. Oath Taking leh Technical Briefing te neih zui nghal a ni bawk a ni.
Inter Departmental Sports hi Mizoram Civil Services Sports & Cultural Association te bultuma neih a ni.
