United Nations General Assembly special session in a lo rel angin June 26 hi khawvel pumah Ruihhlo dona Ni “International Day Against Drug Abuse & Illicit Trafficking” atan a lo ruat a. 1987 atang khan he Ni hi khawvel pumah hman tan niin United Nations Office on Drugs & Crime chuan kum tinin he Ni thupui hi a thlang thin a. Kumin 2012 a he Ni thupui chu “Think Health- Not Drugs” -Ruihhlo ni loin Hriselna ngaihven zawk rawlh” tih a ni.

He Ni hi Mizoramah pawh urhsun taka hman tum a ni. Pu Lal Thanhawla, Chief Minister leh Pu P.C. Lalthanliana, (Minister, Social Welfare Department -te chuan he ni denchhen hian Doordarshan leh All India Radio, Aizawl Station-ah Ruihhlo hmansual leh tawlhruk thatlohzia leh mipui ten tih tak zeta kan do angaihzia thuchah (Message) an sawi ang a. Hon’ble Chief Minister thusawi hi 26.6.2012(thawhlehni) zinglam dar 7:00 ah AIR, Aizawl ah puanchhuah a ni ang.

Aizawl-ah pawh Vanapa Hall-ah he Ni hmanna ropui ber chu zing dar 11:00 atanga tan a ni ang a, he function ah hian Pi B. Sairengpuii, Secretay, Social Welfare Department-in akaihhruai ang a, Pu R. Lalzirliana Home Minister chu Khuallian a ni ang, Pu P.C Lalthanliana chu Guest of Honour niin. Col.- Lalngaihawmi, Territorial Commander Salvation Army chuan he function hi Pathian hnenah a hlan ang.

Mizorama District hrang hrangah he Ni hmang tur hian Chief Secretary chuan Deputy Commissioner -te a hriatttir bawk.