No.3187/2021-2021

Aizawl the 28th November, 2021 : Ni thum awh International Tourism Mart vawi 9 na Kohima, Nagaland a neih mek chu November ni 27, 2021 zan khan hawn a ni a, Tourism Minister Robert Romawia Royte hovin Tourism Department officer ten he hun hi an chhim a ni

lnternational Tourism Mart 2021 hawnna hi Chief Minister's Complex ah hman ni in , Pu Neiphiu Rio, Nagaland Chief Minister leh Ajay Bhatt, Union Minister for Tourism & Defence ten an hmanpui a,  hmarchhak states a Tourism Department te chu tel kim vek in India ram chhunga Tourism stakeholders hrang hrangte an tel bawk. He hunah hian ram hrang hrang Vietnam, Brunei, Myanmar, Malaysia leh Thailand atangin Ambassador leh High Commissioner te an tel bawk a ni. 

He hun ah hian Ministry of Tourism chuan Trade Promotion Council of India nen State hrang hrang a State Institute of Hotel Management enkawl dan tur chunchangah MoU an sign bawk a ni. 

International Tourism Mart hi kum 2013 atang khan India rama hmarchhak states ten in thlen chhawk thin in, hmarchhak lama tourism pholan leh chawikan nan Ministry of Tourism, Government of India in a huaihawt thin a, Mizoram in nakum ah chuan a thlen ve tawh beisei a ni. Kum danga tih ngai loh India hmun hrang hrang a University students, Tourism & Hospitality zirlai ten an rawn chhim bawk a ni

Covid-19 hripui avangin kum tina foreigners tam tham tak rawn chhim thin te chu visa lama harsatna a awm avangin an rawn tel thei lo thung a ni. 

Ni 28 November ah hian presentations te, Panel Discussion te, B2B Meet te leh Handicraft Live Demonstration te neih a ni ang a, ni 29 November ah hian Site Visit nei turin Nagaland Tourism in mikhual lo chhim tu zawng zawng te a hruai kual dawn a ni.

International Tourism Mart 2021 ah hian Pu Robert Romawia Royte, Tourism Minister chu Pu V Lalengmawia, Director, Tourism leh Official dangten an tawiawm a ni.