India hmarchhak State ten Tourism industry a hma an sawn theihna atana Ministry of Tourism, Government of India in kum tin a buatsaih thin International Tourism Mart chu Union Minister for Tourism Shri Prahlad Singh Patel-a'n inrinni kalta khan Manipur khawpui Imphal ah a hawng. kumin hi International Mart vawi 8 na a ni.

He International Mart ah hian Ministry of Tourism, Government of India leh state hrang hrang atanga tourism officials te bakah India ram leh khawvel ram hrang hrang atangin tour operators, hoteliers leh travel writers te kalkhawmin tourism industry a India hmarchhak state ten hma an sawn theihnan leh insumdawn tawnna tura hmalak dan turte sawiin indawrna hunte an hmang a ni.

Pi Esther Lal Ruatkimi IRS, Commissioner & Secretary ho in Tourism officials leh Mizorama tourism industry lama hmalatu mi engemaw zat he hunah hian an tel a, hemi denchhen hian Mizoram tlawh turin rampawn palai then khat England, Spain leh Malaysia atanga lo kal te chu ni November ni 29, 2019 thleng an cham hnufual ang.