Khawvel pum huap Hmeichhiate Ni (International Women’s Day) chu Aizawlah pawh vawiin khan MHIP Gen. Headquarters huaihawtin Chanmari YMA Hall-ah hman ve a ni a. Indian Society on Tobacco and Health Mizoram Chapter President leh Mizoram Chief Minister thiannu Pi Lai Riliani’n he hun hi khuallian chan changin a hmanpui.
Inkhawm hi MHIP Gen.Headquarters Sr.Vice President Pi Ngurmawii Sailo chuan a kaihruai a. Khuallian Pi Lai Riliani chuan India rampum huap leh Mizo hnam bil zingah hmeichhiate thlauhthlak an nih thin dan a chinchhuaka sawiin tunlai khawvelah erawh chuan hmeichhiate hian mipate tlukpui chanvo leh mawhphurhna kawng tinrengah an nei chho ve ta hi thil lawmawm tak ani a ti a. Inchhungkhura nute mawhphurhna pawimawhzia sawiin nu ber pawnchhuah tam lutuk avanga chhungkuain a tawrh theih dan lakah fimkhur a tul thute a tarlang a ni. Mizo hmeichhiaten zirna, sumdawnna, sorkar hna thlenga mipate chanvo an tawm phak tawh mek lai hian politics leh kohhran huangah erawh hmasawnna tur a la awm thu tarlangin Pi Lai Riliani chuan India Sorkar rorelna sang berah hmeichhiate seat za zela sawmthum pathum (33%) hauhsakna tur bill putluh ani mek chu thil lawmawm tak a ni a ti a. He bill hi pass anih hunah phei chuap Mizoramah ngei pawh hmeichhe MLA engemawzat neih theih a ni ve ang a, chuvangin hmeichhiate inbuatsaih a pawimawh a ni a ti.
Mizo hnam tlemte leh intodelhlo tak kan ni chunga sakhaw khat, tawng khat hmang kan nih avangin mizo hmeichhiate tan remchanna thui tak awm hi hmang thiama midangte tana malsawmna ni turin MHIP Member zawng zawngte a sawm a, thil thalo leh dik lo pawmzam zawnga hmasawnna hi kan do dal tlat a tul a ni, Pi Riliani chuan a ti.
Vawiin International Women’s day inkhawmah hian Chairperson, Mizoram State Women Commission, Pi Rozami; Sr.Adviser, MHIP leh MPSC Chairperson Pi B.Sangkhumi; Chairman, Mizoram State Social Welfare Board, Pi Zothankimi, bakah mi pawimawh engemawzatin thu an sawi a. Kumin he ni thupui Equal Right, Equal Opportunity chungchang pawh tarlan niin programme hlimawm taka buatsaih a ni.
Mizo hnam tlemte leh intodelhlo tak kan ni chunga sakhaw khat, tawng khat hmang kan nih avangin mizo hmeichhiate tan remchanna thui tak awm hi hmang thiama midangte tana malsawmna ni turin MHIP Member zawng zawngte a sawm a, thil thalo leh dik lo pawmzam zawnga hmasawnna hi kan do dal tlat a tul a ni, Pi Riliani chuan a ti.
Vawiin International Women’s day inkhawmah hian Chairperson, Mizoram State Women Commission, Pi Rozami; Sr.Adviser, MHIP leh MPSC Chairperson Pi B.Sangkhumi; Chairman, Mizoram State Social Welfare Board, Pi Zothankimi, bakah mi pawimawh engemawzatin thu an sawi a. Kumin he ni thupui Equal Right, Equal Opportunity chungchang pawh tarlan niin programme hlimawm taka buatsaih a ni.
