Mizoram Assembly Election 2013 atan Lunglei District-ah inbuatsaihna chak taka kalpui mek zel a ni a. Vawiin zing dar 6:00AM ah khan Lunglei atanga hmun kilkhawr zawka duty tur Polling Party 29 ten Lunglei an chhuahsan a, vawiin ni 23.11.2013-ah Polling Party 107 an chhuak leh ang a. Ni 24.11.2013 (Sunday) khian Lunglei khawpui chhunga Polling Station-a duty tur Polling Party 39 te an chhuak ve leh thung ang.

Tripura Camp-a Bru hoten postal ballot hmanga vote an thlak, Lunglei District bial hrang hranga mite chu Pu Lalnuntluanga, BDO Lunglei escort-na hnuaiah nimin chawhnu dar 1:30PM khan Lunglei a rawn thlenpuiin, Saikuti Hall strong room-ah dah nghal a ni.

Lunglei District huamchhunga tun thlenga political party leh candidate-te sum senso reportl lut tawhte endik hna, a tum thum nan, vawiin khan Expenditure Observer Pu Imokaba Jamir hovin Tourist Lodge, Zotlang-ah '3rd Expenditure Inspection' neih a ni bawk.

Vawiin chawhnu vek khan District tina DEO leh Election Commission ten video conferencing neiin inthlan tura inpuahchahna kal mek an sawi ho a, Lunglei DEO/DC Pu V.Sapchhunga leh Addl. DC Dr. Andrew H.Vanlaldika te he video conferencing-ah hian an tel ve a ni