4182/2024-2025

Aizawl, 11.02.2025:  Aizawl District Magistrate Er. Lalhriatpuia, Aizawl DC ni bawk chuan Village Council/ Local Council inthlanpui 2025 neih mek chhungin a hnuai ami ang hian Inthlan zawhfel hma chu Silai leh Sialai Mu Hman/ Pai/ Kenchhuah khapna a chhuah:

"Kan hriat theuh angin General Election to Local Councils /Village Councils 2025 chu Dt. 12.02.2025 hian neih a lo ni leh dawn ta a. Inthlanna ralmuang leh muanawrn tak boruak hnuaia Vote thlak leh tluang. taka vote chhiar a nih theih nan khuahkhirhna thupek chhuah ngaia hriat a ni a.

Chuvangin, kei, Er. Lalhriatpuia, IAS, District Magistrate, Aizawl District, Mizoram hian Section 163, BNSS 2023 in thuneihna min pêk angin hetiang hian Aizawl District huamchhunga mipuite zawm turin khuahkhirhna thupek ka chhuah e; 

"Silai neitu/kawltu zawng zawng ten inthlan zawhfel leh vote chhiar zawh a nih hma chuan an silai leh silai mu, eng chi pawh, an hmang/pâi/keng chhuak tur a ni lo.

Amaherawhchu he thupek hian Military/Para Military Forces, BRTF, Police Officer, Sawrkar hnathawk Election-a duty leh District Magistrate-in phalna a pêk te erawh a huam lo ang.

He thupek hian Dt. 12.02.2025 thleng a huam anga. Thupek zawm lova bawhchhia an awm a nih chuan an chungah Section 223 BNS 2023 hmangin action lâk a ni ang.