Vawiin chawhma dar 10:00 AM atang khan Lunglei District chhunga Inthlanna tur buaipuitu (Polling Party) ten D.C Office kawt atangin Inthlanna tura pawimawh hmanraw/bungrua chi hrang hrang an la chhuak tan a. Heng an hmanraw lak chhuah te hi Polling Party te hian a kim leh kim loh an endik vek hnuah naktuk atangin EVM (Electronic Voting Machine) an la chhuak leh ang a, naktuk hian hmun hla zuala kal tur Polling party mi 30 vel chuan an awmna hmun tur panin an chhuak nghal ang. A bak zawng chu Naktip (23.11.2013) hian an chhuak vek ang.

Lunglei District-ah hian MLA Constituencies 7 (pasarih) a awm mek a, tun dinhmunah hetiang hi Constituency-wise Polling station leh Voter awm zat chu a ni : 29/South Tuipui : Polling Station – 24, Voters – 13604; 30/Lunglei North : Polling Station – 25, Voters – 14737; 31/Lunglei East : Polling Station – 17, Voters – 13064; 32/Lunglei West : Polling Station – 21, Voters – 13102; 33/Lunglei South – Polling Station – 33, Voters – 15063; 34/Thorang – Polling Station – 33, Voters – 12340; 35/West Tuipui – Polling Station – 22, Voters – 12470 a awm mek a ni.