Indian Oil Corporation Ltd (IOC) Mualkhang Botling Plant chuan vawiin khan Community Development Programme hmangin Mualkhang leh Khamranga hmasawnna hna thawh nan Nuai 7.3 an pe.
Pawisa hlanna hun hi Khamrang Primary School ah neih a ni a; Mualkhang Plant Manager Pu Z. Lungdhim in a kaihruai a; Pu P Dey General Manager North East Integrated State Officer (NEISO) chuan Mualkhang mipui ten tui thianghlim in tur an lakna senso atan cheng Nuai 5.1 a hlan a; Khamrang Primary School mamawh siam nan cheng Nuai 2.2 a hlan bawk. Mualkhang mipui tan hian IOC chuan tui a lak sak a; chu chu tunah hian mipui ten chhawr tangkaiin tui thianghlim in tur hniang hnar tak an nei ta a; chu senso atana ruahman second instalment chu vawiin hian hlan a ni.
Govt Khamrang Primary School ah hian IOC chuan Zirlai thutthleng leh dawhkan, Zirtirtu dawhkan leh office mamawh bakah, School panna kawng leh Compound hungna atan pawisa an pe bawk.
IOC aiawha thuswitu Pu P. Dey , General Manager chuan IOC hian kumtin hlawkna an hmuh atanga 2% chu mipui vantlang hna thawh nan an hmang thin a; kumin ah pawh hian cheng Nuai 10 zet Mizoram tan hman a ni a; NE States 7 ten Nuai 35 hmangin vantlang mamawh hna an thawk a ni a ti a; hetah hian IOC chuan Zirna lam te; thianghlimna lam te; hriselna leh Tui thianghlim pek te a ngai pawimawh bik a; tun hnaiah ruahtui tla dahkhawmna lamah programme siam thar theih a ni a ti.
Vawiin-a pawisa hlanna hunah hian Pu AC Sarma ,Dy General manager (LPG) (NEISO); Pu S Chaudhury, Dy General Manager (Finance) (NEISO); Pu PK Ray, Sr Human Resource Manager (NEISO) te an tel a; Mualkhang leh Khamrang khawtlang hruaitute an tel bawk a ni.
Govt Khamrang Primary School ah hian IOC chuan Zirlai thutthleng leh dawhkan, Zirtirtu dawhkan leh office mamawh bakah, School panna kawng leh Compound hungna atan pawisa an pe bawk.
IOC aiawha thuswitu Pu P. Dey , General Manager chuan IOC hian kumtin hlawkna an hmuh atanga 2% chu mipui vantlang hna thawh nan an hmang thin a; kumin ah pawh hian cheng Nuai 10 zet Mizoram tan hman a ni a; NE States 7 ten Nuai 35 hmangin vantlang mamawh hna an thawk a ni a ti a; hetah hian IOC chuan Zirna lam te; thianghlimna lam te; hriselna leh Tui thianghlim pek te a ngai pawimawh bik a; tun hnaiah ruahtui tla dahkhawmna lamah programme siam thar theih a ni a ti.
Vawiin-a pawisa hlanna hunah hian Pu AC Sarma ,Dy General manager (LPG) (NEISO); Pu S Chaudhury, Dy General Manager (Finance) (NEISO); Pu PK Ray, Sr Human Resource Manager (NEISO) te an tel a; Mualkhang leh Khamrang khawtlang hruaitute an tel bawk a ni.
