Vawiin chawhma dar 10:00 khan State level training on IPPE-II Preparation of Labour Budget (2016 - 17) under MGNREGA tih chu Aijal Club, Aizawl-ah neih a ni.
He training ah hian Central sorkarin Integrated Participatory Planning Exercise (IPPE) neihna atana thlan Block 15 atangin Block Development Officers te leh District lama training petu tur mi 32 an tel a.Ni 1 theory an tih hnuah Reiek khuaah Practical training hi an nei leh dawn a ni.
Training kaihhruaitu leh resource person ni bawk Pu Paul L. Khuma, Under Secretary, Rural Development chuan IPPE pawimawh zia a sawi a. Kumin atan Central sorkar chuan a tum thumna turin Rs. 101118.84 lakhs August, 19, 2015 khan min pek leh thu leh thawktute chu taima leh tha taka thawk turin a chah a ni.
IPPE hnuaiah hian Mizoram-ah Block 15 thlan an ni a, heng Block ah te hian uluk zawka Plan siam tur a ni a, mipui te duhthlanna ngaih pawimawh niin, khua leh mipuiin an hlawkpui tlan theih ang ber turin hmalak tum a ni.
Resource persons atan hian Pu Paul L. Khuma, Under Secretary, R.D Department; Pu K.T Pakhuangte, Dy. Director, SAU, R.D Department leh Pu Vanlalroluahpuia, State Mission Manager, SRLM, Mizoram te an ni a.
