Vawiin chawhma khan Information & Public Relations Director Pi Lallianpuii chuan Mizo Film Siamtute leh Film lama tui mi, Sawrkar bul tuma 50th International Film Festival of India, Goa-a kal turte a vai liam.

50th International Film Festival of India a kal turte hi- Lalawmpuia Khiangte, Napolean R.Z. Thanga, Aldrin Zosangliana, Albert Zosangliana, Vanlalpeka Zote, V.Lalzamliani, K.C Zoherliana, Lalzawna Pachuau leh Lalzidinga te bakah Information and Public Relations Officer Dr. Saithantluangi Zote te an ni.

Ni 20th November zanah Film Festival hawnna ceremony-ah an tel ang a, Ni 5 chhung Festival ah hian hun an hmang ang. Dr. Saithantluangi Zote, IPRO hian Ni 21st leh 22nd ah FFO-Workshop 'Creating an Effective Single Window Ecosystem' a attend bawk ang.

IFFI, Goa a an cham chhung hian National Film Development Corporation-in a buatsaih Film Bazaar-ah tel nghalin Film siam zirna session hrang hrangah hun an hmang nghal dawn a ni.

International Film Festival of India hi kum 1952 atanga hman tan a ni a, kum 67 a upa a ni,. South East Asia a film festival ropui ber pawl a ni. He festival hi Ministry of Information and Broadcasting, Directorate of Film Festivals leh Government of Goa tangkawp te buatsaih a ni.