Information & Public Relations Department leh Mizoram Journalist Association ten vawiin khan Aizawl Sipai Lammual-ah football friendly match an khel a, I&PR Minister Pu Lalruatkima pawhin he hun hi a hmanpui a ni.

Inkhel tan hma a inkhawmna tawi buatsaih ah I&PR Minister Pu Lalruatkima chuan sawrkar hmalakna hrang hrang puanzar kawnga mawhphurhna pawimawh tak chelhtu Information & Public Relations Department leh Mizoram Journalist Association ten thawhhona tha tak an nei thin chu lawmawm a tih thu a sawi a, thawhhona leh inunauna tha zawk neih nan infiamna thianghlim an nei chu thil tha tak a ni, a  ti. Minister chuan hna tha taka thawk thei tur chuan hriselna tha neih a pawimawh thu sawiin infiamna leh taksa sawizawi uar turin a fuih a, vawiin a MJA leh Information & Public Relations Department ten ruahmanna tha tak an siam hian hian inunauna tha zawk a thlen ngei a duh thu a sawi bawk. 

Vawiin inkhel ah hian hun pangngaiah team pahnih te hi 4-4 in an inhnehtawk a, penalty shoot-out hmanga chak zawk zawn niin I&PR department hian 4-2 in hnehna an chang a ni.