Information and Public Relations Minister Pu Lal Thanzara chuan Mizoram Journalists Association (MJA) President hnenah vawiin khan lehkha thawnin tunhnaia Bairabi Zophai-a MZP hmalakna leh Zofate Chawlhbuk sak tumna news cover tura journalist kalten, Assam Police kut an tuar chu pawi a tih thu leh thinlung taka a tawrhpui thu a hrilh a. I&PR Minister a nih angin Pu Lal Thanzara chuan Assam sawrkara I&PR Minister hnenah a lungawilohna hriattirin Mizo chanchinbumite thlavang hauhna tur leh an tawrhnaa hma an lak ngei theihna turin vawiin vek khan lehkha a thawn nghal a ni. Hliam tuarten harsatna an nei zui a nih chuan a hnena thlen turin MJA te a hriattir bawk.