4834/2025-2026

Dated Aizawl, the 14th March, 2026 : Vawiin khan Pu P.C. Vanlalruata, Minister, Irrigation & Water Resources Department (IWRD), etc. chuan IWRD Auditorium, MINECO-ah khawvel puma lui humhalh ni atana hman, International Day of Action for Rivers vawi 29-na puala hun buatsaih chu khuallian niin a hmanpui a. Er. H. Ginzalala, Adviser to CM (Technical) chu khualzahawm a ni bawk. Kumin thupui chu ‘Protect Rivers, Protect People’ (Kan dam khawchhuah nan lui humhalh rawh) tih a ni.

Khuallian Pu P.C. Vanlalruata chuan tui pawimawhzia leh lui tui humhalh that lohvin mipuite a nghawng nasat turzia sawiin, Mizoramah lui tui fim a awm avangin Mizo mipuite an vannei, a ti a. Hetih lai hian lui lian tha a awm loh avangin tui hna siamtu lui te zawkte humhalh a ngaih thu a sawi a. Lui tui chu nunna hnar a ni a, humhalh a nih loh chuan thangthar lo awm zel turte’n tui in tur an nei dawn lo tih a sawi.

Minister chuan sawrkarin lui humhalh nan hma a la mek tih sawiin, Mizo lo neih dan, tlang ram lo neih (shifting cultivation) aia hrisel leh chhehvel tichhe lo zawka loneitute’n lo an neih theih nan sawrkar chuan tung cultivation leh permanent farming a kalpui chho mek tih a sawi a. Vawiin, International Day of Action for Rivers chu ram luite humhalh an nih a, hmangaih leh duat taka enkawl an nih theih nan a tangkai dawn a ni tiin, kalkhawmte chu veina nen hma la a, midangte zirtir zel turin a chah a ni.

Khualzahawm Er.H. Ginzalal pawhın thu sawiin, lui leh luia cheng nungchate humhalh tur chuan lui tibawlhhlawhtu lian berte zinga mi, plastic waste dang bet tur trapping system siam a, plastic waste sawngbawlna lama tui tura mipuite chawhphur an ngai a ni, a ti a. Shifting cultivation tihtlem a, a theih phei chuan tihtawp a, permanent farming nasa zawka kalpui a pawimawh tih a sawi bawk a. Ngialnghet zawk leh chhehvel tichereu lo zawnga economic link road laih dan tur inkaihhruaina felfai tak kan neih a ngai bawk a ni, a ti a. Lui tui humhalh tur chuan mipui, NGO, VC leh sawrkar bakah department hrang hrangte tanrual a, thawhho that a ngaih thu a sawi bawk a ni.

International Day of Action for Rivers hi kum 1997 khan Brazil-a ram hrang hrangte intawhkhawmnaah lui humhalh a nih theih nana kum tina hman tura rel niin, March ni 14, 1998 atanga vawiin thlengin khawvel puma hman a lo ni ta a. Mizoramah pawh nikum, 2025 atang khan hman tan a ni.

Vawiin hun hi Er. Lalrothanga, Secretary, IWRD-in kaihruaiin, mithiam sawm bik, Prof Benjamin L. Saitluanga, Dept. of Geography and Resource Management, MZU leh Er. H. Lalchhuanvela, Chairman, Indian Institute of Engineers, Mizoram State Centre te’n he ni puala thupui hmangin thu an sawi a. Er. Vanlalpekhlua Sailo, E.E.(W), IWRD atangin ‘River System of Mizoram’ tih thupui hmangin presentation ngaihthlak a ni bawk a. Er. K. Hamlet, Chief Engineer, IWRD chuan khaikhawmna thu sawiin hun a khar a ni.

He ni pual hian inelna hrang hrang - reels insiamsiak (Awareness Reels Making Competition), hla inphuahsiak (Poetry Writing Competition) leh lem inziahsiak (Painting Competition) te buatsaih a ni a. Er. L. Malsawma Hauhnar, Superintending Engineer (P&M), IWRD-in lawmman semin, Er. Laldinpuii, Sr. Executive Engineer (P), IWRD-in inelna chungchang a sawizau a. Lawmman latute chu a hnuaia tarlante hi an ni:

Awareness Reels Making Competition (Open Category)

1-na Zothantluanga, Champhai Vengsang

2-na Lalmawizuali, Tuithiang

3-na Lawmsangpuia Ralte, Durtlang Mel 5

Painting on the Spot (College Level)

1-na Macy Lianhlupuii, Pachhunga University College

2-na Lalruatsanga, Hrangbana College

3-na Lalfakawma, Pachhunga University College

Poetry Writing (College Level)

1-na Mickey Lalrinmawia, ICFAI University College

2-na H. Lalrinzuala, Pachhunga University College

3-na Vanlalawmpuia, Mizoram Christian College

College Level inelna bikah Pachhunga University College chu Overall Champion-a thlan an ni.