No.7134/2020-2021

Nulzau Minor Irrigation Project, Phairuangkai hnuaia nul siamtute tui lakna nizung chakna hmanga siam chu vawiin khan Irrigation and Water Resources Minister Pu C. Lalrinsanga'n a hawng.

Hawnna inkhawm Phairuangkaia neih hi Er. Lalrotluanga, CE, IWRD in a kaihruai a, khuallian Pu C . Lalrinsanga chuan ni zung chakna hmanga nasa zawka kuthnathawktuten hma an sawnna tur chu kalpui turin ruahmanna siam mek a nih thu sawiin thlai thartuten an thlai thar an  dah thatna cold storage pawh kawlphethain a thlen phak lohna hmun thingtlang khuaahte pawh nizung chakna hmang tangkai a dah tum mek a nih thu a sawi bawk. RIDF atangin vaibelchhe engemawzat Agriculture tih chak nan hmuh a nih dawn thu sawiin famkim zawka kuthnathawktuten an hmanraw mamawh an neih theih nan leh hlawk zawka thlai an thar theih na atan hman a nih dawn thu a sawi a. Kuthnathawktute chu sawkar kuta innghat pumhlum lo tur leh an tih theih bakah erawh sawrkar chu a chet zel tur thu Minister hian a sawi bawk a ni.

Vawiina hawn tak nizung chakna hmanga tui pump na chung chang IWRD Lunglei Division E.E. Er. Laldinpui sawi danin Solar pump hmanga Irrigation Project hmasa ber a ni a. NABARD sum cheng nuai 58 chuang senga siam a ni a, ram Hactare 24 a zau nul thlai chawm thei tura ruahman niin, loneitu 25 laiin an chhawr mek a, he Project hian tuidah khawlna 16, litre 6000 dawng leh solar pump set 16 a keng tel bawk a, set khat hian ni khatah tui litre 5000 atanga 6000 a pump chhuak thei a ni. 

Pu H. Lalthanpuia, Phairuangkaia Solar power tui pump hmangtute aiawha thusawitu pawhin Irrigation Dept. hmalaknaa nizung chakna hmanga nul tui pek chhawrtu hmasa ber an ni chu lawmawm a tih thu sawiin thlasik bakah thalah pawh thlai an thar tgeih reng tawh a beisei thu sawiin an nula thlai chi brang hrangte chu hlawk zawka thar theih a nih dawn thu a sawi a, hetianga hmalakna tur nul engemawzat la awmte pawh sawrkar chuan ngai pawimawh zel thei se a duh thu sawiin Department leh sawkar chungah lawmthu a sawi a ni.