1310/2022-2023
Aizawl the 21st July, 2022 : Tunhnaia Thenzawl khua-ah Japanese Encephalitis natna hmuhchhuah ni a chanchinbu lama tarlan hi ELISA (antibody test) hmanga hmuhchhuah a ni a, hei hi confirmatory test a nih loh avangin a CSF sample hi test na rintlak zawk (Real Time PCR) a test turin, Lal Path Laboratory, Kolkata ah thawn a ni a, ni 20.7.2022 ah he sample test result hi tihchhuah a ni a, he test result ah hian sample hi a Negative ( JE virus not detected) avangin, Japanese Encephalitis confirmed case anga pawm theih a ni lo a ni.

Hetiang a nih avang hian Director of Health Services kaihhruaina hnuaiah meeting neih nghal a ni a, Health Department Official te meeting chuan investigation mumal zawk kalpui tha a ti a, Epidemiological, Entomological leh Environmental investigation te nei tura hmalak mek a ni a, Mizoram chhunga Real Time PCR test (molecular diagnosis) ti thei tur pawh hian hmalak nghal a ni bawk. Tun dinhmunah mipuite tan chiaina tur a awmlo a, Health Department chuan chak takin hma a la zel dawn a ni.