Vawiin khan India rama Company lian leh sulhnu ngah tak JAYPEE Group Company hotu Cdr(Rtd) S.J.Singh NM, Vice President leh PK.Malik, Principal Consultant te chuan Minister Pu H. Rohluna leh Parliamentary Secretary Pu Joseph Lalhimpuia te chu Mizoram House, Chanakyapuri New Delhi an hmu a, Mizoram Education Department te nen thawhho dan tur an sawipui. Zirna siamthatna tur kawng hrang hrang te, Vocational Schemes, Language (English leh Hindi) tih hmawsawn dan tur te, Mathematics leh Skill Developement lama tan lak dan tur bakah zirtirtu tuaihriamna leh Satellite Link hman tangkai dan tur te an sawiho.

Minister chuan zirlaite hmasawnna tur kawng hrang hranga thawhho theih dan kawng zawn tha a tih thu leh hun remchang hmasa berah Mizoram ah la sawiho nise tha a tih thu a lo hrilh a, JAYPEE Group aiawhte pawhin thalaite hmalam hun thlir chungin thawhho theih ngei an duh thu an sawi bawk a ni.