Sawrkar laipui chuan midangte nunna chhantu mi huaisen lawmman hrang hrang Jeevan Raksha Padak (Series) Award te a semchhuak dawn a. Heng lawmman te hi tuitla, accident, kangmei, electric chhiatna, leimin, ramsa in mihring a beihna leh chhiatna hrang hrang lo thleng laka mi dangte nunna chhanchhuak tute hnenah hlan thin a ni. An chhhanchhuahna dinhmun a zirin lawmman hi chi thum a awm.

Sarvottam Jeevan Raksha Padak:- Hmun hlauhawm tak, a chhanchhuaktu tan pawha nunna thap a tulna hmun atanga midang chhanchhuaktute.

Uttam Jeevan Raksha Padak:- Hmanhmawh tak leh mahni nunna dinhmun pawh hlauthawn awm chunga midangte chhanchhuaktute.

Jeevan Raksha Padak:- Inhliam leh intipalh hlauthawn awm tak chunga midangte chhanchhuaktute hnenah.

Dt 1.10.2016 hma lama thil thleng (nunna chhanchhuahna) chu dil theih a ni dawn lova, he ni hnu lama inchhanchhuahnaah chauh awmsa hmanga thehluh tur a ni.

Hrechiang duh chuan mahni awmna DC Office, SDO Sadar. I&PR Office leh BDO Office ah te  zawhchian theih a ni a. Dilna form awmsa hmanga thehluh tur a ni.

Dil duh emaw rawt duh nei te chuan a rang lama ngaihven tur a ni ang.