Vawiin chawhma dar 10:30 hian JN Hospital Serchhip ah PMSMA     ( Pradhan Mantri Surakshit Matriva Abhiyan) hawnna hun hman a ni a, Pi Vanlalhruaii, CDPO Serchhip ICDS chuan a hawng. 

He hun hawngtu Pi Hruaiteii chuan PMSMA in a tum leh a beisei ang ngeia nu naupai ten a hun taka Doctor leh mithiamte rawn turin clinic-ah kal thin se a duh thu a sawi a, chu chuan nu nauchunga thihna mai bakah nausen thihna nasa taka pumpelh  anih theih ngei a beisei thu sawiin, sawrkarin Anganwadi centre-a chaw tha a sem thin te pawh ei hram hram thin turin a chah bawk ani. 

He hun kahruaitu Dr. Laldawngliana Sailo, CMO Serchhip chuan PMSMA chungchang sawifiahin nu nau chunga thi tih tlemna leh pumpelhna atana sawrkar laipuiin ruahmanna asiam  a ni a, Nu naupai ten he programme hi  chhawr tangkai ngei se a duh thu a sawi bawk. 

PMSMA hnuaia nu naupai enkawl turte hi ASHA ten an bial chhungah theuh an zawng chhuak anga, Nau an pai chhunga thla 3 atanga thla 9 (2^nd Trimester leh 3^rd Trimester) chhungin Dortor ngeiin (Medical Officer/Gynaecologist) uluk takin an endik thin anga, hei hian nasa takin Nu nau chunga thihna an pumpelh theih beisei a ni. 

PMSMA Clinic hi thla tin ni 9 naah PHC/CHC/SDH tinah Doctor te leh District Hospital-a Gynaecologist ten neih ziah tur a ni a, Clinic neih ni apiang hian inentirna leh thil tul dang zawng zawngte hi a thlawna tih sak vek thin tur an ni. 

Vawiina Serchhip Damdawi ina PMSMA hawnna hun hman anih rual hian inentirna tur clinic pawh hawn nghal a ni a, nu naupai mi 33 te hming ziah luh nghal niin, an inentir apianga an hman tur card pek chhuah nghal an ni a, mithiam ten uluk takin an endik nghal a ni.