Chanchinbu hrang hranga Job Card leh Mizoram chhungkaw zat inang lo lutuk anga tarlan chungchangah hetiang hian RD Department chuan thuchhuah a siam.

Chanchinbu hrang hrangah Mizorama chhungkaw zat leh Job Card awm zat inanglo lutuk anga thuchhuah chungchang hi sorkar-in a ngai thutak hle a. Hemi chungchang enfiah tur hian Chief Secretary Mizoram chuan District tina DC/District Prog. Coordinator te hnenah hriattirna pe nghalin district hrang hrangah theih ang tawkin Job Card dik lo zawnchhuah beihpui thlak mek zel niin a dik lo te chu paih (delete) nghal thin a ni. Job Card zat hi danglam reng thei a ni a, tun dinhmunah chuan Mizoram a Job Card dinhmun chu hetiang hi a ni :

 Heng Job Card 7153 paih tak avang hian kum khat chhungin sorkar sum mipui chanai luangral tur Rs. 1537.89 lakhs humhim anga chhut theih a ni.

 Job Card leh Mizoram Statistical Handbook-a In (Households) awm zat inan lohna chhan te chu :

 1) Pem, thi leh Job Card dik lo (hriat chhuah) te chu paih zel a ni a. Nimalsela, heng Job Card paihte hi MGNREGA website (www.ngega.nic.in) a cumulative Job Card ah a la lang vek zel si a ni. Job Card delete te chu a sen (red) in a lang thin bawk. A chunga ‘figure’ tarlan pawh hi a danglam reng thei a ni.

 2) He MIS-ah hian Job Card pek chhuah tawh zawng zawng (delete tawhte huamin) a lan vek zel avangin Job Card dinhmun dik tak aiin a lang tam reng dawn a ni.

 3) Khaw hrang hrangah Job Card neitu pem emaw thi emaw an awmin VC/BDO (Prog. Officer) te hnena in report lo an awm fo thin a, hei hian Job Card chuang a ti tam thin bawk a ni.

Sorkar chuan dik leh langtlang thei ang bera MGNREGS  kalpui hi a tum dan anih avangin theih tawpin hma a la reng a. Heng Job Card dik lo man chhuahna kawngah hian mipuite thawhpuina tel lo chuan a hlawhtin tak tak theih dawn loh avangin mipuite thawhpuina leh tanpuina a ngen nghal bawk a ni. Mi tu pawh he thil dik lo titu te chu inthlahrung hauh lova sorkar thuneitute hnena thlen nghal thin turinmipuite a ngen nghal bawk a ni.