744/2022-2023
Khawzawl, the 2nd June, 2022: Vawiin khan Pu David L.Pachuau, Jt. Chief Electoral Officer, Mizoram chuan Khawzawl District tana inthlanna khawl EVM/ VVPAT dahthatna pindan awmkhauh 'Strong Room' sakna tur hmun Khawzawl Dinthar Veng ami chu District Election Officer Pu C.C. Lalchhuangkima leh official pawimawh dangte nen an enfiah.

EVM dahthatna tur EVM Strong Room hi Khawzawl Dinthar Venga DC Office building thar sak mek chhawng hnuai ber dawttu a awm tura ruahhman a ni a. A zau zawng hi a dung metre 10 leh a vang metre 5 a ni dawn a. Strong Room bulah hian Guard Room 1, metre 5 biala zau a awm dawn bawk a. Strong Room sak turah hian CCTV camera, Fire extinguisher leh Exhaust fan-te dah nghal tura ruahman a ni bawk.

Strong Room sakna tur hmun enfiah zawh hian Jt. CEO hi DC Rest House-ah Khawzawl District mamawhte leh thil tul dangte sawipui a ni bawk.

Strong Room enfiahna leh inkawmnaah hian Pu James Lalnithanga, Election Officer; Pu Obed Lalmalsawma, SDC; Pu R. Lalramliana, SDO, PWD (Project Sub Division) leh official dangte an tel bawk a ni.