Manipur leh Mizoram Joint Electricity Regulatory Commission State Advisory Committee Mizoram bil chu vawiin khan I&PR Conference Hall-ah a Chairman Pu H.Bihari Singh hovin an thukhawm a. he Commission-a Mizoram atanga member Pu C.Hmingthanzuala chuan Mizoram P&E Department te chu kawlphetha siamchhuah leh thehdarh kawngah theihtawp chhuah zui tur leh he Commission hi kawng tinrenga tawiawm turin a sawm a ni. Commission-ah hian Manipur leh Mizoram atangin member pakhat ve ve ruat a ni a, kum khat danah Chairman hna an inchhawk thin a ni.
Vawiina Mizoram bik tana State Advisory Committee-ah hian thil pawimawh chi hrang hrang relin an ngaihtuah a. Chung zingah chuan kawlphetha tam zawk dekchhuak tura renewable energy lam tanlak dan tur te, Mizorama State Load Despatch Centre din ve chunchang te, kawlphetha renchem leh hemi kawnga mipui kaihhruai dan tur te leh Power & Electricity hmasawnna leh kalphung hrang hrang thlirhona te a tel a ni.
