Govt. Press, Lunglei-in District Disaster Management Authority hnena an building chungchang report an thehluh bawhzuiin, vawiin khan Lunglei SDC Pu Lalhmachhuana hovin Joint Verification Team chuan Govt. Press Building chu a hmunah an tlawh.

Lunglei-a Govt. Press Building hi a slab a far nasa hle a, hei vang hian a rod-te pawh a tuiek vek tawh a, rod tuiek puam chuan a bula cement ei hekin plaster a ti khawk nasa hle tawh a ni. Joint Verification Team chuan a chung khuh hul phawt an rel a. Amaherawhchu a chung khuh ringawt chuan a veng rei thei dawn loh avangin he building thawmthat nan Lunglei HPC atangin Rs.5,00,000/- ruahman sak tura dil nise, a building chhe zel tur siamthat hna a rang thei ang bera thawh an rel bawk a ni.