Vawiin chawhma dar 10 : 30 khan “Practicing Journalism” tih thupui hmang in Mizoram Journalist Workshop 2012 chu I&PR Conference Hall, Saiha ah neih a ni.
He Workshop hi Pu Jim K.Chozah, Director, Information &Public Relations chuan a kaihruaia, kalkhawmte lawmna thu Pu Vanlalrema Vantawl, Vice President, Mizoram Journalist Association, General Headquarters chuan a sawi a, sawihawnna thu Pu Jim K.Chozah Director, I&PR chuan sawiin kan hna-ah hian mipuite duhthusam kan thlen thei em tih kanin enfiah a ngai a ni tiin mahni hna-a rinawm a pawimawh thu a sawi a, nitin kan hnathawhna ah rinawm taka hna thawk theuh turin Journalists te chu a chah a ni.
Workshop a Khuallian Pu S.Khipo, Chief Executive Member,M.A.D.C. chuan thu sawiin M.J.A. te Saiha-a intawh khawmna buatsaih ani thei chu Saiha mipuite aiawh in lawmthu a sawi a, Journalism hna hi mihuaisen te chauhin an thawk thei ani tiin Saiha-ah hian hnam tin chitin te lungrual takin kan lengza ani ati a, Mizoram District zawng zawng a nausen thih tamna ber district kan nihna chhan chu Doctor indaihloh vang leh Hospital that tawk loh vang ani ati bawk. Chanchinbu mite pawimawhna sawiin khawvel pumpuia thil thleng zawng zawngte pawh chawp leh chilhin internet hmangin anhre zung zung thei ani tiin sawrkar in hmasawnna atana hma a lakna kawng hrang hrangte pawhpuangzar thin tute in ni ati bawk. Thudik zirtir kawnga mipuite zirtirtu an nih angin sawrkar hmalakna kawng hrang hrangte dik taka puangzar thin turin a chah a ni.
Session hnihna chu Pu R.Lalhmangaihzuala, General Secretary,Mizoram Journalists Association, General Headquarters chuan a kaihruaia Pu Lalsiama Fambawl, Deputy Director, Information & Public Relations chuan “ Practicing Journalism” tih thupui hmangin paper a present a, Session thumna chu Pu Zonunsanga Khiangte, Treasurer, Mizoram Journalist Association, General Headquarters in kaihruai in Pu Jim K.Chozah, Director, Information & Public Relations Department chuan R.T.I chungchangah Paper a present a, zawhna leh chhanna hun te hman ani a, he Workshop ah hian I&PR Department leh Journalists te chuan Saiha-a kangmei vanga chhiattawkte tanpui nan Rs 14130/- chu Pu N.Chakhai, Chairman, District Level Task Force Committee leh Addl D.C. ni bawk hnenah an hlan nghal ani. He Workshop a tel Journalists zawng zawngte hnenah hian Participation Certificate hlan an ni.
Journalists te pual hian Pu S.Khipo, C.E.M, M.A.D.C., chuan tukin zing khan tukthuan a buatsaih sak a. He Workshop ah hian Mizoram pum District hrang hrang 8 atangin Journalists mi 49 an tela zawhna leh chhanna hun bakah huamzau taka sawihona neih zui nghal ani. Pu C.Z. Hluna, President, Mizoram Journalists Association, Saiha District, Saiha chuan lawmthu sawina neiin he workshop hi a khar a ni.
