Vawiin khan Lawngtlai DC Conference Hall-ah SDO (Sadar) Pi Rochuangkimi Khenglawt MCS hovin Lawngtlai District-a NLUP hlawhtlinna hrang hrang pho chhuahna tur NLUP Kutpui (Fair-cum-Exhibition) atana inbuatsaihna hrang hrang thlir ho a ni a. Hma lak zui dan tur ruahman a ni bawk.
He hunah hian NLUP line department tin atangin officer-te an kal khawm a. Thut khawm hmasaka ruahmanna siam tawhte bawhzui a nih dan thlir hovin, siam rem ngai leh rel belh ngai te pawh sawi ho a, ruahmanna siam nghal a ni.
Lawngtlaiah hian NLUP Kutpui hi June ni 13 & 14, 2018 (ni hnih) chhung buatsaih a ni dawn a. He hunah hian NLUP hamthatna dawngtute'n line department kal tlangin an thil thar chhuahte an pho chhuak ang a. Thei, thlai leh kut them thiam thil chi hrang hrang bakah, sangha leh se (sial) sa rep te lei theiha chhawp chhuah a ni dawn a. He'ng thilte hi Kutpui chhimtute'n a man tlawmin an lei thei dawn a ni.
