937/2022-2023
Aizawl, the 17th June 2022: Vawiin khan Minister of State Pu Robert Romawia Royte chuan Junior Engineer Service Association of Mizoram (JESAM) General Conference vawi 5-na Dawrpui Multipurpose Hall-ah a hmanpui.

Minister Pu Robert Romawia Royte chuan engineer te chu sawrkara mawhphurhna pawimawh tak chelhtu, ram hmasawnna tura thiamna pawimawh bik neite an ni, a ti a. Ram changkang zawkte hmasawnna zir a, kan ram tana tangkai leh tha tur ngaihtuah kawngah rilru seng tura chahin sorkar in hna (contract) a pek te inremsiamna (agreement) chungchang zir chiang leh a thawktu (contractor) te nen hnathawh tan hma a sawihona leh zirchiannaa neih pui a tul hle a a hriat thu leh chu chuan rah tha tak an hnathawhah a thlen theih a rin tlat thu a sawi a. Minister chuan Covid-19 hripui len avangin central sawrkar atanga state sawrkarin sum a hmuh thin ang leh centrally sponsored scheme leh central sector scheme atana sumfai an hmuh thin ang te hmuh a nih loh avangin state sawrkar a inrenchem a ngaihthu sawiin, service association welfare leh service hmasawnna (advancement) tamtak bawhzui hleihtheih a nih loh dan te hrethiam turin a ngen a ni.

Minister chuan Mizoram in hmasawnna kawng a zawhnaah a langsar leh chawimawina dawng ni si lo, a phen a hlawhtlinna thlentir chu Junior Engineer hi an ni, a ti a. Department hrang hrang ah hnathawh dawna mamawh leh tul hrang hrang- DPR siam, survey, drawing leh estimate siam ah Junior Engineer te chu a bultum tu leh a field a ti hlawhtling tu an ni, a ti bawk a ni. Theihtawp a tan la a, mahni hna chelh lai tling tawk taka thawk turin leh hlawhtlinna chu kaisan (promotion) lama in teh lo a, an hna thawh result ah hlawhtlinna puitling zawk chu a awm tih chu hmu thiam turin a ngen bawk a ni. Pu Robert Romawia Royte chuan Mizo Engineer te chhuanawm a tih thu sawiin, theihtawp chhuah zel turin a chah bawk a ni.

JESAM General Conference hi Pu PLC Lallawmkima President JESAM chuan a kaihruai a, Pu Lallawmawma Chenkual General Secretary JESAM chuan report pe in, an pawl hmalakna te a tarlang a, an member chatuan ram pan ta mi 7 sunna hun hman a ni a; chawhnu lamah inthlan leh rorel hun hman chhunzawm nghal a ni.

JESAM hi kum 2015 a din niin, tun dinhmunah member 800 vel an awm mek a ni.