No.2898/2021-2022 

Aizawl, the 6th November 2021: Nimin chawhnu khan Justice Uday Umesh Lalit, Judge, Supreme Court & Executive Chairman, National Legal Services Authority(NALSA) chuan zan 1 riaklut turin Aizawl a rawn thleng a. Nimin tlai vek khan Reiek pan nghalin Convention Hall kawtah Cleanliness Drive-cum-Legal Awaremess Campaign kharna programme a hmanpui nghal a ni.

Justice Uday Umesh Lalit chuan Mizoram a rawn thlentirh phat atanga a mit la em em tu chu faina kawnga Mizoram hlawhtlinna a ni a. Kawng dung te fai a tih thu a sawi a, mipui hmel hmuh a nuamin mipuite khawsak phung pawh a felfai hle niin a sawi a ni. Mipuite mizia leh rilru put hmang a dik avangin faina kawngah hian Mizoram chuan tun aiin hma a la sawn ngei a rin thu a sawi a. Rorelna dik mitin hmaah chhawpchhuah a nih theihna tura a puanzar hna Mizoram State Legal Services Authority(MSLSA) in a lo thawh tawh leh thawh mek chu a tha hle nia a hria thu a sawi a. MSLSA chu tang sauh sauh tura chahin Dan hremite rawihna neilo tan MSLSA a awm a ni tih te mipuiin zau zawka an hriat a ngai a ni a ti.


Justice Uday Umesh Lalit hi  Pu Ashok Kumar Jain, Member Secretary, National Legal Services Authority leh Pu Puneet Sehgal, Director, National Legal Services Authority ten an rawn tawiawm a. Justice Michael Zothankhuma, Judge, Gauhati High Court & Executive Chairman, MSLSA leh Justice Nelson Sailo, Judge, Gauhati High Court te pawh he hunah hian an tel a ni.  Vawiin (November 6, 2021) hian Rawpuichhip-ah  Cleanliness Drive-cum-Legal Awaremess Campaign programme a hmanpui leh nghal dawn a ni.


Attachment

  • Loading attachment...