2230/2025-2026

Lawngtlai, 15th November, 2025: Kakichhuah leh Hruitezawla  tui hri nia hriat leng mekah Lawngtlai Bawrhsap chuan vawiin khan  Chanchinbu mite kawmna a Office Chamber-ah a nei.

Pu Donny Lalruatsanga chuan tui hri nia hriat leng mekah theihtawp chhuah a nih mek thu a sawi a. A bik takin Kakichhuah leh Hruitezawl chu 'Containment area' a puan a nih tawh thu a tarlang a. Sr. CMO kaihruaina hnuaiah Medical Team- ten an vil reng a, World Health Organisation (WHO)  Medical Team leh  Doctor without Borders-  te pawh an lut tawh bawk a ni, a ti. Bawrhsap chuan kar khat chhung chu uluk leh zuala enkawl hnathawh a ni ang a, a tul dan a zirin sawrkarah tanpuina lian zawk pawh ngen a nih tur thu a sawi. Bawrhsap chuan December  ni 1 ah 'election team'  tirh chhuah a ngaih tawh dawn avaning freezone-  a puan hman tura hmalak mek a ni,  a ti. Tun dinhmunah ORS, IV drip, tui tihthianghlimna leh damdawi tul te pawh pek an  nih thu tarlangin, mipuite chi ai lo tur leh thianghlimna lamah theihtawp lo chhuah turin a chah nghal bawk.

Dr. Lalmuanawma Jongte, Sr. CMO, chuan report tawi peiin, hrileng mek chu zirchianna uluk zawka neih mek a ni a ti a. November 11, 2025 khan hrileng chungchangah report dawn a ni a, mitthi hmasa ber hi November ni 4 ah niin, thi zawng zawng hi mi paruk-  refugee- 3 leh khawtual mi  -3  an awm  tawh a ni,  a ti.  Sr. CMO kaihruiana hnuaiah 'Rapid Response Team'  din tawh niin, hri leng darh lo tura chak taka hmalak a nih thu a sawi a . Damlo mi-  71 endik tawh niin, a tam zawk chu na lutuk an nih loh thu a tarlang.

Tui sample - lak niin, ZMC& H lamah endik mek a nih thu sawiin, Salachhuah (Myarmar ) lam atang a  hri hi lo lut a an ngaih thu a tarlang bawk a ni.

Thutkhawmah hian MJA Lawngtlai, te an tel kim tha hle a, zawhna leh chhanna hun hman nghal a ni.