Vawiin chawhma khan Govt. High School, Lunglei ah RMSA buatsaih in Kala Utsav (Festival of Arts) hman a ni. Pu Ashish Madhaorao More, IAS, Deputy Commissioner, Lunglei leh Chairman, RMSA, Lunglei ni bawk chu khuallian niin a hmanpui.

Inkhawm hi Pu Lalrambuatsaiha, DEO, Lunglei leh DPC, Lunglei ni bawk in a kaihruai a. Khuallian chuan thusawiin Kala Utsav hi Lunglei District-in kan hmang thei hi a lawmawm hle a, zirlai te tan thil tha tak, phurna leh thathona siam sak tu a ni a. Ministry of Human Resources Development in zirlai te an zirna mai bakah an thil thiam inthukru phochhuah nan a hman tir hi a tha hle a, Kal Utsav hian MHRD in thupui Beti Bachao a nei a, a tum chu hmeichhiate enhrang lovin mipa te nen intluktlang a zirna pek theuh theih nan a tih a nih thu a sawi a. Zirlaite talent phochhuahnaah hian Lunglei district chhungah chauh nilovin State leh National Level a inel pha turin duhsakna a hlan a. India kilkhawr a cheng te tan pawh an thiamna an phochhuak thei a ni a ti a, chuvangin Mizo Culture ah hian National Level-a an lan theih nan tan la theuh turin zirlaite a chah bawk a ni.

He Kala Utsav ah hian Hnam Lam, Music, Theatre leh Painting ah school pasarih Secret Heart School, Govt. Zobawk High School, Govt. Leitlang Higher Secondary School, Vanhne Govt. High School, Govt. High School, Govt. Higher Secondary school leh Govt. Leitlang High School ten in elna an nei a, In elna hrang hrang a pakhatna theuh te hi state Level ah an tel ang.

Attachment

  • Loading attachment...