Vawiin ni 25.9.2017 (Thawhtanni) hian Mizo Archaeological Society chu Pu Zodintluanga, Minister, UD&PA office chamber-ah dina ni a. He pawl hi Mizo pipute sulhnu (Archaeologicaol sites and remains) te humhalh a, zirchian leh enfiah kawnga hma la tura din a ni a. Pipute sulhnu vawnhim leh vawnthat lama ngaihtuahna seng thin Mizoram University leh College zirtirtute bakah mithahnemngaiten he pawl hi an din a. An pawl din tak lungphum chu Mizo pipute sulhnu dik tak humhalh leh vawnthat bakah a nihna dik tak mipuite hrilhfiah kawnga hmalak a ni.

Pu Zodintluanga chuan, kan pi leh pute sulhnu hi vawn that a, kan History dik tak kan hriat theihna tura hmalak hi Mizote mawhphurna a nih thu a sawi a. Vawiina pipute sulhnu chhui chhuah leh vawnthat duhtu kal khawmte chuan UD&PA Minister Pu Zodintluanga office-ah hian Mizo Archaeological Society chu dinin, Minister hian din a nih thu a puang nghal bawk a ni. UD&PA Minister Pu Zodintluanga chuan heti anga mithiam zawk leh a ngaihna hriaten kan pi leh pute sulhnu vawn that a, a nihna ang taka mipuite hrilh-hriat duhna thinlung pu-a Mizo Archaeological Society din a lo ni leh Patron atana an sawm chu zahawm a tiin ropui a tih thu a sawi a ni.

Mizo Archaeological Society chuan kumin chhung hian Champhai District huam chhung leh Sailulak huam chhunga archaeological sites report siam te, mipui nawlpui zirtir nan workshop leh awarenenss programme neih te project-ah neih an tum bawk a ni.

Hetiang hian pawl hruaitu an inruat nghal bawk:

 Mizo Archaeological Society

Patron               :     Pu Zodintluanga Ralte, Hon’ble Minister

Adviser              :     1. Prof Sangkima

                               2. Dr. C. Vanlalramsanga

                               3. Prof Joy L.K. Pachuau

President           :     Dr. Malsawmliana, Associate Professor,

                              Dept. of History, Govt. T. Romana Collage, Aizawl

Vice President   :     Dr. Laithangpuii,

                             Dept. of History & Ethnography, Mizoram University

Secretary           :     Pu Joseph Lalzarliana, Assistant Professor

                              Dept. of History & Ethnography, Mizoram University

Asst. Secretary      :     Pu Albert Vanlalruata, Research Investigator                                                                                          (Archaeology) Art & Culture Department, Govt. of Mizoram

Treasurer            :     Pi Varsangzuali, Assistant Professor

                                Dept. of History, Govt. Hrnagbana College, Aizawl

Committee        :     1.Dr. H. Vanlalhruaia

Members                 2. Pi Lalrinchhani

                              3. Pu Lalchhanhima

                              4. Pu Vanlalhuma Singson

                              5. Pi Lalhlimpuii Pachuau

Mizo Archaeological Society member-te chuan  MAS thil tum lama tui leh inpe Mizote tan member nih theih dan tur a ruahman bawk dawn a ni a, ngaihven duh tan MAS office address F-73, Khatla, Aizawl, Mizoramah a duh apiang tan ngaihven theih a nih thu an sawi bawk a ni.