Vawiin hian Agriculture leh Hoticulture Minister Pu H.Liansailova Office ah eirawngbawlna atan thing leh Gas bakah Khawnvartui etc. hmang lova Kangdamdawi rahmu hman tangkai zawk dan tur sawihona leh a practical a enchhinna Secretariat Complex hmunah hian neih nghal a ni.
He enchhinna leh sawifiahna hi Rev.Lalthanmawia (Synod Minister) in ram hrang hrang ten an lo hman dan te a zirna atangin a thuk tur te a siam chhuak (designed) a chumi hmang chuan Kangdamdawi rahmu ½ kg ah tui 2 litres chhuangin en chin a ni a.Tui hi 8 minutes ah a so hmana a alh theih hun chhung hi darkar khat daih tura chhut a ni. Enchhinna maiah pawh a tha hle a ni tih hmuh a ni a. A thuk leh hmanruate hi la phuah chhawp nawk nawk a ni rih a. Hei aia tha zawk pawh la duan chhuah theih anih tur thu Pu Thanmawia hian a sawi bawk.
Thing leh Gas etc. vang leh to zel ah hian a thlakna tur leh hman sam zok bawksi-Boruak –Environment tichhe lo siin, Kangdamdawi kung 300 vel rahin chhungkaw pangai kumkhat eirawngbawlna a thar chhuak thei hial tura beisei a ni.
Khawpuiah pawh Hostel/Hotel leh Vawk chaw chum nana Gas/Electric/Thing kan hman zozai hi thlak vek nan tha hle tura ngaih a ni.
He enchhinna leh sawihona Minister ho a neih ah hian Sorkar lam hotute Pu K.S.Thanga Parliamentary Secy., Pu R..Pianmawia Dy.Govt.Chief Whip. leh Pu T.Sangkunga Secy-Horticulture te bakah Horticulture Department lama hotute leh New Vervek a Kangdamdawi chingtu Association hruaitute an tel bawk a ni.
