SSA Aizawl District-a District Project Coordinator charge la thar Pu Zohmingthanga chuan 16th March, 2010 khan a bial chhunga Kanghmun khua in Special Chapchar Kut an hman chu hmanpuiin Khuallian a ni.

 

 

Pu Zohmingthanga chuan April thla atanga Right to Education Act hman tan a nih tawh dawn avangin, naupang kum 6 - 14 ten Sikul kalin zirna tha an dawn ngei ngei a ngai dawn a. Zirtirtute leh nu leh pate mawhphurhna pawh a sang hle tawh dawn a. Chuvangin nu leh pa ten fate sikul kal tir lova chhawr lo turin a fuih a. Zirna hi zirlai leh zirtirtute mai ni lovin, khawtlang leh NGO te mawh a ni a. Right to Education Act (RTE)  hmang tur hian kan zavaiin kan inher rem a kan in tuaithar a tul dawn a ni a ti.

Kanghmun khua Special Chapchar Kut hi nilengin item hrang hrang leh zaithiamte nen hman a ni a, tlaiah ruai ropui tak kil ho nghal a ni.