Vawiin khan Environment & Forest Minister Pu H.Rohluna, Vice Chairman, State Level Fire Protection Committee ni bawk leh Environment & Forest Department a Officer te chuan kumin chhunga Zoram pum huapa ram kang ven leh thelh kawnga hmalakna hrang hrangte an thlir ho.
He meeting-ah hian kar kalta maia Serkhan tlangval tlawmngai pahnih ram kang thelh avanga nunna chante - Tv. Zonunzira leh Tv. Laltlanmawia te an lainat thu leh an chhungte an tawrhpui thu an sawi a. An nunna hial chan khawpa ram tana an inpekna fakawm an tiin an chhuang hle a ni. Hei bakah hian kumin hian thal khaw kheng a nat zual zel avangin ram pumah kangmei tuar pawh kan tam em em a. Hei hi pawi an tih takzet thu leh kawng hrang hranga tuartute an lainat thu an sawi bawk.
Hetiha lai hian Zoram mipui zawng zawngte nasa lehzuala kan ram kangmei laka veng tur leh kang thelh kawnga hma la turin an ngen a. Environment & Forest Department-a Field Staff te phei chu neitu tak tak rilru pu chunga hma la tur leh hetiang kawnga sulsutu ber ni zel tura an beisei thu uar takin an sawi bawk a ni.
Hetiha lai hian Zoram mipui zawng zawngte nasa lehzuala kan ram kangmei laka veng tur leh kang thelh kawnga hma la turin an ngen a. Environment & Forest Department-a Field Staff te phei chu neitu tak tak rilru pu chunga hma la tur leh hetiang kawnga sulsutu ber ni zel tura an beisei thu uar takin an sawi bawk a ni.
