Aizawl District Fire Prevention Awareness kal mekah vawiin khan Group No 10 na in Sihphir leh a chhehvel khuate tan Sihphir Community Hall-ah kangmei laka fimkhur tura infuihna leh inzirtirna beihpui an thlak leh a. Mipui an kal tha hle a ni.

He Awareness Campaign ah hian Sihphir VC Vice President Pu H Rohmingliaana inkhawm a kaihruai a, Campaigner Pu Lalsiama Fambawl, Deputy Director, I&PR chuan thu sawiin Mizo mipuite hian tun ang renga kan ram kan sawisak a chhanna chang kan hriatloh chuan tun atang a kum 50 ah chuan thlaler ramroah kan siam ang a; thangtharten min dem ngawt ang a ti. Chuvangin dikna thinlung pua kan ramte kan enkawl a ngai tak neuh ani tiin Mipui kalkhawmte a sawm.

Forest dept. aiawhin Beat Officer Pu Lalthantluangan thu sawiin nikum maia helai tlangdunga kangmei a vanga nunna kan chan a pawi zia sawiin kuminah chuan mitin fimkhur tlang ang u a ti a, thusawitu dang Pu H. Lalnunmawia, ASI, Bawngkawn pawhin kangmei avanga dan bawhchhiate kum sawm thlenga tang thei an nih thu leh mitin kangmei laka fimkhur turin mipuite a ngen

He inkhawmah hian Aizawl district Fire Prevention Awareness campaign Group 10 na Group Leader Pu R.Lalhlira E.E. PWD leh Joseph Lalramsanga, ASO pawh a tel a ni. Mipui leh Sorkar hnathawk leh zirlaite an kal tha hle. Pu Lalthardenga, VCP Sihphir vengtharin lawmthu sawiin a tin a ni.