4671/2024-2025

Kolasib Dated, the 17th March, 2025: Pu Robert C. Lalhmangaiha, Deputy Commissioner & Chairman, District Disaster Management Authority Kolasib District nibawk chuan a hnuai a mi ang hian kangmei laka district mipuite himna turin hriattirna a chhuah.

Tunlai hian khua a thalin khua a ro hle a. Hemi hun lai hi kangmei chhuah duh hun a nih avangin mitin kan fimkhur zual a tul hle a ni. Kangmei hian kan in leh lo, kan neih rohlute leh thlai te nasa taka a tih chhiat theih bakah thing leh maute a tichhe thei a ni.

Kangmei laka inven hi mitin mawhphurna a ni a. Chuvangin, kangmei laka kan him theih nan heng a hnuaia tarlante hi zawm ngei tur a ni:-

1. Kan chenna In leh bul hnaiah kang awlsam (e.g petrol, diesel, khawnvartui adt.) a awm leh awm loh finfiah a, a awm a nih chuan hmun him thei ang ber a dah tur a ni.

2. In chhung electric wiring fel lo lai a awm a nih chuan siam that nghal tur a ni.

3. Eirawngbawl, Sa rep leh vawk chaw chhum laiin vil lova kalsan loh tur a ni.

4. Meichhemna bul hnaiah thil kang mai thei dah loh tur a ni.

5. Naupang khawih theih in mei chhemna hmanrua dah loh tur a ni.

6. Mezial bung tihlum lovin paih mai mai loh tur.

7. Tul lovah mei chhem loh tur a ni a. Tulna avanga kan chhem a nih pawhin timit lova kalsan loh tur a ni.

Kangmei a lo chhuahin rang takin Fire Station hnai ber phone number, a hnuaia tarlanah hian hriattir vat tur a ni. Heng number hi hmuh mai theihna hmunah ziaka tar emaw/mobile phone contact a save nise.

Kolasib Fire Station- 7627966100 / 03837-222322
Vairengte Sub-Fire Station - 9366651918