No.294/2021-2022
Aizawl, the 27th April 2021: Aizawl Distrct Bawrhsap Dr Lalhriatzuali Ralte chuan tun hnaia kangmei chhuak fo avanga harsatna thleng thin te chu pawi a tih thu a sawi a. Tun atangin mitin te kan fimkhur zawkna tur leh mipui vantlang bakah kan ramngaw thalai te kangmei lakah a lo him zawkna turin a hnuaia tarlan ang hian ngenna leh hriattirna a siam.
Tunlai Mizoram hmun hrang hrang leh Aizawl District-ah kangmei a chhuak a. Hei hian ramngaw, thing leh mau, thlai leh nungchate tan chhiatna nasa tak a thlen a. Kangmei avang hian kan in leh lo, kan nunna hlu tak pawhin a tuarin kan chan fo a ni.
Chuvangin, kangmei chhuak thei lakah mipui kan fimkhur a ngai hle a. Ram leh In tihkan a thlen tawh lohna turin mitin fimkhur taka in leh ram lama che turin kan inngen a. The Mizoram (Prevention and Control of Fire in the Village Ram) Rules, 2001 in a sawi angin ramhnuaia mei chhem chu timit lova kalsan loh tur a ni a. In lamah pawh meichhemna hmun te fimkhur takin kan hmangin a him tawk em tih finfiah hnuah chauh kan kalsan tur a ni. Hetiang zawm loh avanga kangmei tichhuaktu chu a chunga tarlan Dan hmanga hrem theih a ni.
Kan ramngaw leh nungchate an lo him a, boruak leh kan tui tlante vawngtu thing leh mau te an lo him a, kan in leh lo, kan rohlu leh nunna ngei pawh kangmei vanga kan chan lohna turin mitin fimkhur turin kan inngenin kan inhriattir a ni.
