4403/2025-2026

Dated Siaha, the February 11, 2026: Vawiin chhun dar 12:00Noon khân Forest Hall, MADC complex, Council Vaih, Siahaah Kangmei ven hapta hawnna hun hman a ni a, Pu Tiahlei Syuhlo, EM i/c Forest, MADC chuan khuallian niin a hmanpui.

Thu sawiin khuallian Pu Tiahlei Syuhlo chuan Kangmei chhuak kan hriat hi mihringte thiam loh a ni tlângpui a, chumi venna atân chuan sawrkarin Ramtuk thlaah hian Kangmei ven hapta hman nise tiin a rêl a, kum tin hman ṭhîn a ni tiin Kangmei ven hapta hman dan leh hman chhan a sawi hmasa.

Kangmei ven hi mi tin mawhphurhna anih thu sawiin khuallian chuan sawrkar department zawng zawng leh khawtlang mipui leh tlawmngai pawl rual taka ṭanho a ngai a, sawrkarin huan leh lo hal hun a ruat zawm ṭheuh turin khaw tinte a ngen a, sawrkar dan zam zawm hi khúa leh tui ṭha kan nih lantir theihna remchang a niin a Pathian thu em em a ni, a ti bawk.

Pu Jimmy N. Ramdina, DCF (Hqrs.) in kum hmasa lama Siaha District chhunga Kangmei chhuak zat leh awareness Campaign neih dan report tawi a pe a, report-a a lan danin kum 2025 chhungin ram hactare 175 a kang a, huan hal avangin 20.2, lo hal avangin 86.6, lo leh huan hal avanga a chhehvel kang tel 66.4 leh ramngaw humhalh (Reserve area) 1.8 niin kum 2026 ah hmun hnihah ram kang a awm tawh thu a sawi bawk.

Vawiin hun hmanna hi Pu Abraham Beriazie Khithie, Additional DC, Siaha chuan kaihruaiin, District Level fire prevention Committee member, head of office, MADC official bakah khawtlâng hruaitute leh tlawmngai pawl aiawh an tel a. Pu T. Beihronga, DCF (W&P) chuan lawmthu sawina a neih hnuin Lal biakna sawi rual a ni a, hun hman tihtawp a ni.